لبن الأبــــــــــــــــــــــل

اخوي حامد الوابصي
السلام عليكم ورحمة الله وبركاته
انا من وجهة نظري ان الي يبيعون حليب النياق مافيها شي بالعكس جزاه الله خير
وفر على كل يوم وانا ادور حليب انياق واكثر اهل الابل ماينلامون من كثر الي يجيهم من الناس عند نياقهم واعوذبالله اكثر العالم تقول شحاذ من أبل الى أبل ياأخي اشتري واريح بالي صحيح ان بعض اهل الابل كرماء ولايريدون الا الاجر والثواب من الله لكن كثرو عليهم الناس من كل صوب

حياك الله أخوي سالم
،،،،
لو قرأت مشاركة أبو نادر
ذكر فيها أن فيه بقالات متعاونه مع اهلا الابل
يجيب راع البل الحليب ويحطه عنده ويبيعه
هذا ما فيه شي وكلنا نروح ونشتري من عنده
،،،،
لكن انا اقصد
أني أجي الرجال بمحله ومربطه واتقهوا عنده واشرب حليب وآخرتها يقول الحساب هنا اشوف
انها والله صعبه جدا
،،،،
وأي واحد يشتري نياق يحسب حسابه
أنه يجيه الصاحي واللي مو صاحي عشان الحليب
،،،،،
واحد من اصدقائي
عنده نياق ولا يحلبها الا حلبه
واحده على المغرب
ويعبي سطوووول ومكانه دايم مليان ناس
ان شربوه كان بها ما شربوه نزله البلد ووزعه على جيرانه
وأحيانا يجوه سوافيح
الواحد ودك تحط فمه بديد الناقه وتقول له ارضع
هههههههههههههههه
،،،
عذرا على الاطاله
طابت اوقاتك

مدخل / هل بيع الماء حرام ؟
قبل الاجابة / تخيلوا حالنا لو مافيه قارورة ماء واحدة تباع في محلات التموينات ؟

و هذا يقاس عليه بيع حليب الأبل .

رأيي /
إنه من شيم الرجال و الكرم أن لا يباع حليب الأبل خاصة عندما تكون في المرعى و يمر عليها أحد من المسافرين أو غيره .

أما إذا بيعت في محل تموينات فلا بأس بها و لا يشنع على صاحبها ،
مثلاً رجل محتاج للمال كما قال أخي عبداللطيف .

أو رجل لديه من الإبل عدد كبير و حليبها يفوق حاجته
و قد يجد مشكلة في توزيعه فلا حرج أن يتعاون مع أحد محلات التموين
و يضع الحليب لديه و يبيعه و من يفيد و يستفيد
فأنا أعرف صاحب بقالة في تبوك و ليس لدي إبل فمتى ما رغبت في الحليب ذهبت الى البقالة
و أشتريت لي كم لتر من الحليب ووفرت على نفسي عناء تربية الإبل و توفير العلف لها .

أبو نادر
،،،
فيه بالجوف بقالات تبيع لبن الابل وكذا منطقه
في البقاله عادي مثله مثل أي شيئ ثاني
،،،،
اما اجي بمربطها
ويقوم ويحلبها عشاني وانا جالس بمجلسه واخرتها بفلوس
هنا الكلام
،،،،،،،،،،،
راع الحليب اللي يبيع عن طريق بقاله لا يشوفنا ولا نشوفه
ولا يجينا ولا نجيه
،،،،
لكن انا اقصد كما ذكرت سابقا
صعوبة حلب الناقه بغضاره وبعدها ياخذ حساب
،،،،،
لكن وين مكان هالبقاله يابونادر
،،،
شكرا لمرورك
طابت اوقاتك