لبن الأبــــــــــــــــــــــل

الحين من قال حرام
،،،،
لكن عندنا عيب
لأنه لا الاولين ولا الاخرين باعوا لبن الابل
،،،
اما السمن والمريس غير
،،،
وواحد عنده ثلاثين ناقه ما هو عجزان عن علفها
يعني حاطها بحوش وحاشرها ويدقها ابر
عشان علف
،،،،
طيب خلاص باع حليب الاسبوع هذا كامل
ما يكفيه لشراء علف
،،،،
عبد اللطيف هؤلاء من خمس وست سنوات يبيعون
يعني كلها حاجه
،،،،،
اسأل الوالد يعلمك
صدقني غير يقول لك عيب عندنا
،،،
شكرا لمداخلتك
وطلتك البهيه أخوي
طابت اوقاتك
[/center]

ليــه طيب ( السمـن والمريـس ) غيــر ..؟


طيب اذا المسأله مآفيهآ حــرآم تبقى قنآعآت تختلف من انسآن لأخــر ..!

وأذآ انت تقول عنده بعآرين وآجــد يبي له علـف وآجـد يعني مصآآريف أكثـر

وأكـثـر ..!

نـحن هنآ نقـول ان من يبيـع ( حليب ) البل عيب بس مآتدرون في

ديآرهم هنآك وش يقولون عنــه ؟

يقـولون والله مآشآء الله عليه شآطـر ممشي امـوره مآعمره احتآج لأحــد

وقآل سلفني فلوس اعلـف بعآريني ..؟


يآنآس مشكلتنآ ان فيه نآس هنآآ من ربعــنآآآ اذا قلــت له بيـع حليب الأبل

لمحلآت او تموينآت تتكفل بهآلشي قآم ( يــزبــد ) ويعقـد حجآجـه

شوي وبآلعقآل على خشتك .. وينتـخي ويقــول ( انآ اخوتس يختي ) يقول

والله عيب علي مآبيــع حليب البــل .. وتحصله يتسلف من الـرجآل حق العـلف

ومآيسـددهم حقوقهم ووأذآ اتصلو عليه قفل جوآلـه واذا صآرت منآسبه يمكن

مآيـحضر عشآن مآيقولون له سدد حق العـلف ..؟

يعـني بالله وين الـعيب في هـذا او في هالأخ الكـريم الي مآيبيع الحليـب ..؟



أكـرر اقول والله اذا هـو تكرم وعطآني بلاااش بدعي له واقول له جزآك الله

خير وبآرك الله لك بنيآقك واذا بآعه لي بيـع فهـذآ شي رآجع له ولـطبعه ..!

مدخل / هل بيع الماء حرام ؟
قبل الاجابة / تخيلوا حالنا لو مافيه قارورة ماء واحدة تباع في محلات التموينات ؟

و هذا يقاس عليه بيع حليب الأبل .

رأيي /
إنه من شيم الرجال و الكرم أن لا يباع حليب الأبل خاصة عندما تكون في المرعى و يمر عليها أحد من المسافرين أو غيره .

أما إذا بيعت في محل تموينات فلا بأس بها و لا يشنع على صاحبها ،
مثلاً رجل محتاج للمال كما قال أخي عبداللطيف .

أو رجل لديه من الإبل عدد كبير و حليبها يفوق حاجته
و قد يجد مشكلة في توزيعه فلا حرج أن يتعاون مع أحد محلات التموين
و يضع الحليب لديه و يبيعه و من يفيد و يستفيد
فأنا أعرف صاحب بقالة في تبوك و ليس لدي إبل فمتى ما رغبت في الحليب ذهبت الى البقالة
و أشتريت لي كم لتر من الحليب ووفرت على نفسي عناء تربية الإبل و توفير العلف لها .

أبو نادر
،،،
فيه بالجوف بقالات تبيع لبن الابل وكذا منطقه
في البقاله عادي مثله مثل أي شيئ ثاني
،،،،
اما اجي بمربطها
ويقوم ويحلبها عشاني وانا جالس بمجلسه واخرتها بفلوس
هنا الكلام
،،،،،،،،،،،
راع الحليب اللي يبيع عن طريق بقاله لا يشوفنا ولا نشوفه
ولا يجينا ولا نجيه
،،،،
لكن انا اقصد كما ذكرت سابقا
صعوبة حلب الناقه بغضاره وبعدها ياخذ حساب
،،،،،
لكن وين مكان هالبقاله يابونادر
،،،
شكرا لمرورك
طابت اوقاتك

زمن المااااااااااال ماهو الصدقه والكرم

ربما هذا السوداني يبيع من ورى صاحب لابل ..!!!


صحه وعافيه لك ابو حمد

بس عندي سؤال لك هل لبن لابل مضر للطفال الصغار بسن 7 سنوات وخاصه من لديه قالون
لاني افكر اشتري ناقه للعيالي هههههههههه حتى اقويهم جسميا طبعا ..<<متاثر بقوة الشياب

موضوع حاد للجدل
بس بغيت اسأل الإبر هذي ليش يدقون الإبل فيها ؟!!!
وبعدين لو كان صاحب الإبل موجود يمكن ماباع حليبها
بس الرعاة هم من يريدون الكسب بأي طريقة يبغى يعمر بالسودان
هههههههههههه

الإبره هذه تكثر الحليب
،،،
وبعض أهل الابل هم من يجعل الراعي يبيع
،،،،
وبعض الرعيان يبعون دون علم صاحب الحلال
وحصلت مرة جو شباب لسوداني وصادف ان عمه عنده قال احلب للرجال حلب لهم وهم ماشين طلعوا الفلوس قال صاحب الابل وش هذي الفلوس قالوا قيمة الحليب
أكتشف صاحب الابل ان الراعي يبيع الحليب بغيابه
،،،،
وقدام الشباب توطا ببطنه
وسفره
،،،،
شكرا لك على المرور

واذا بآعه لي بيـع فهـذآ شي رآجع له ولـطبعه ..!

،،،،،
يقطعه ويقطع طبعه هذا ما اريد
يعني طبعه يسمح له ببيع الحليب
،،،
شكرا ابو ميعاد

زمن المااااااااااال ماهو الصدقه والكرم

ربما هذا السوداني يبيع من ورى صاحب لابل ..!!!


صحه وعافيه لك ابو حمد

بس عندي سؤال لك هل لبن لابل مضر للطفال الصغار بسن 7 سنوات وخاصه من لديه قالون
لاني افكر اشتري ناقه للعيالي هههههههههه حتى اقويهم جسميا طبعا ..<<متاثر بقوة الشياب

ليس مضرا للاطفال بالعكس
،،،
بس انا اشور عليك بان تشتري ناقه لأبوهم
،،،،
شكرا ام عبدالله