علاء ينخاكم يا بلي
اينعم ربعي بلي لاضقت فيهم أعتزيت
عزوتي اللي ألنه صاربالعزوه مجال
أرجال الي لهم ذعذع بالتاريخ صيت
اللي يحلونها لاصارفتلن بالحبال
السند الي عليهم لاتضايقت ارتكيت
بلي اللي دئمآ لارتكوا يشيلون الثقال
لكن أناقول بالله اسمعوني لاحكيت
كلمتن باقولها يوم جالها مجال
القضيه ماتبي عسى ولعلى وليت
ولابها يافلان روح ولابها بالله تعال
وانت ياللي ماسمعت اليوم قريت اودريت
يوم علاء ينتخيكم ارخصواله الريال
لامتى والرجل حي ولكن أنه تقل ميت
وامه تصيح وتعزوى في صناديد الرجال
والله أني طول عمري غير لله مانحنيت
ولانحني الالمن يعلم بدورات الليال
لكن أني من كثر مااشعربالحرقه بكيت
لاصبحت يدك قصيره كيف تنوش الطوال
والله أني لوبيدي كان دفعت وعطيت
لكن المعبود وحده مطلع على الحوال
واحمداللي يفرج الكربات لاله أشتكيت
ولاأناعندي ظروف تكسر ظهور الجمال
لكن أنا ضمنكم ودرب تمشونه مشيت
كان تمشون السهل ولاطلعتوا للجبال
مستحيل أنسى وصية والدي مهما حييت
الوصيه الذي برضه بورثها للعيال
قال لاقررت نية خير يابوك أونويت
لاذبحت أذبح سمين ولا عطيت أعط الجزال
يابلي تكفون ربعي يوم أنابكم أنتخيت
ياهل السيف اليزن يوم المعارك والنزال
ودنا تنهون وضع السالفه ذي كمبليت
وانتم أهل النخوه الي مابها شك وجدال
ومني أختامهاسلام ياصل الى كل بيت
لكل بلوي وبلويه عد همال الخيال
.
.
رد مع اقتباس
المفضلات