كيف تقنع هـذا الشخص بأنك أنت هو أنت ؟!

الله يعينك على مثل هذا الموقف يا ابو نادر
بالنسبة لي سيكون تصرفي في هذا الموقف خصوصآ اذا كان الرجل كبير في السن ومن بلي
اقول له ياعم انا ماني فلان انا فلان بن فلان اذا مابلش في وكذبني
ابقوله أبشر ياعم انا الي تبغاه فلان ولا فلان ولا حتى الملك عبدالله حفظه الله
؛
بس وش عندك واخدمه باالي اقدر عليه

اشكرك على الطرح الطيب اخي ابو نادر ..وكثير من هذه الاشكاليات حصلت ..وممكن الانسان ان يتخلص من الاحراج بكل الطرق الطيبه لافهام كبار السن انه ليس الشخص المطلوب..ولك تحياتي

أشكرك أستاذي على هذا الموضوع الرائع ويستحق الحوار
أنا من أكثر الأشخاص اللي تعرضوا لمثل هذي المواقف ومنها اللي قدرت اعدل معلوماته واني مو شخص المطلوب وأطلع من الموقف ومنها اللي مشيت الموضوع للأخير لرغبته
أذكر جدي الله يسكنه فسيح جناته في أحد الأعياد سلمت وأخذت المقسوم وطلعت ورجعت بعد وقت للمجلس ويسلم علي سلام حار ويطلع كمان المقسوم( بهالحظة أنواع الفرحة)
والأخت ساكته دام دعوة بها مقسوم وأكتشفت بعدين على باله أنا عمتي الصغيرة( اللي هي بنته الدلوعة)
بس عادي بالنسبة لي أمشي معاه بالسوالف مثل مايبي كبير السن وأخذ معاه بالحكي
ولا أكسر خاطره دعوة سوالف بس
تقبل مروري المتواضع أستاذي

استاذنا الكريم ابو نادر
السلام عليكم ورحمة الله وبركاته
مدري علامكم على الشيبان وكنه اليوم العالمي لهم
جيب له اشهود يمكن انه يقتنع انك انت ماهوانت
ولا ناده بسم غير اسمه واذا قال ماني اللي تقصده قله انا ماهو انا
والله لخبطه قله انا ماهو هو
الله يعين ويساعد
قد اعود لدفاع عن الشيبان
دمت بخير

ما فيه طريقة غير بطاقة الأحوال

او خله يطيح اللي براسه من السوالف ويتوكل على الله

الله من البلشه مواقف صعبه
وخاصه كبار السن لا يقتنع ولا يصدق واذا طنشته بلشت اكثر

ربنا يعينك ..


طرح مميز يابو نادر شكرا لك