على روح الشهيد الحي نايف << رثاء

.

قصيـدة جديدة ..للشاعر : عبدالله محمود المعيقلي

.

كتبها بعد ماوصله خبـر إستشهاد البطل الرائد / نايف بن فالح السحيمي البلوي

.

نظمت الشعر ودموعي ذرايف = على الخدين سالن والشفايف

سلام ورحمة الله وإبركاته = على روح الشهيد الحي ( نايف )

سلام الله على اللي دون داره = يكلـّـف روحه الحـرة كلايف

سلام الله على اللي ساق روحه = يورّدها المهالك والحتايف

فدا بيت الله ومسجد نبيـه = بقلبـن مايهاب من القذايف

سمع داع الجهاد ولا توانا = شهر جنحانه بروس النوايف

لأنه بايع الله ومليكـه = يصون الدين عن غـدر الطـوايف

ولأنه شهـم وعـروقـه نقيـّـه = رمى نفسـه على عصف العصايف

ألآ لله .. ثم لله درّهـ = كأنه من عزيز العمر عايف

شجـاعه مع حليـب أمــّـه رضعهـا = تسـامت فيـه مع زيـن الوصـايف

وربـي راد نفقــد طيـر شـلـوى = وحسايف نفقد أمثـاله حسـايف

يموت وهو شهـيد ٍ دون ديـنه = ممـات ٍ مايموتوه الضعـايف

يمـوت وهو شجـاع ٍ يفدي أرضـه = حشـا ماحـافه من الخـوف حـايف

يمـوت ويفـرح بميعـاد ربـّـه = وربــّـه ماعطــى ميعـاد زايــف

إلى الفـردوس الأعـلى ياأبو تركي = إلى دار النعـايم واللطـايف

عليـك التـاج بالدنيـا والأخـرى = عليك التاج من بيض الصحـايف

وسـلام ورحمـة الله وإبركـاته = على روح الشهيـد الحي ( نايف )

.

وسلامتكـم

الله يرحمك يا(نايف) ويجعله الله في جنات النعيم
وانشاء الله من الشهدء وان يتغمده بواسع رحمته