ربعي هلّ الطولات للقمه تغير / طبعاً بلي للمجد صوله و جوله

هذه القصيدة ألقيت في حفل زواج الأخ / معيض مبروك العرادي
للــشــاعـــر / محمد عيد الوابصي
(( رمز وبطوله ))

سلام يا زحول الرجال المناعير = أهل الكرم و الطيب رمز و بطوله
ربعي هلّ الطولات للقمه تغير = طبعاً بلي للمجد صوله و جوله
ياما فعلنا قدنا حشد و طوابير = الله عطانا فخر نصرة رسوله
فرّيس ما تهاب المنايا نوادير = دون النبي نفديه حوله و حوله
من غزوة الإسلام بدر الأساطير = وثق لنا التاريخ أعظم فصوله
في كل ساحه صيتنا ناير ينير = نمشي مدار الأرض عرضه و طوله
نارد حياض الموت ورد و مصادير= دخيلنا نحميه محد(ن) يطوله
الجود جدنا و الليالي معاسير = الضيف نهلي به فحزة وصوله
و هالحين شوف الخير جبالٍ مزابير = أمن و أمان إخوان نوره عنوله
صقر العروبه سطر المجد تسطير = فارس كريم العذر يدي خجوله
يالله بأمانك يا ولي التدابير = تحفظ ملكنا من ردي العموله
بلي هنا و هناك رجال(ن) مناصير = لـ حكامنا درع ولاء و رجوله
يا صاحبي سجيت مع صيحة الطير = كله لجل عيناك سقنا الرحوله
سقت القدم يمك و فيني تعابير = كلي فرح و القلب دقة طبوله
ما مات من خلف رجال(ن) مصاطير = الطيب ورث العود نهجه و قوله
ما بين عم و خال ربعه مغاوير = للضيف ريف و للمكارم حموله
تستاهل الأجواد تتعب لها تسير = و لا ردي العزم ربي يزوله
الطيب ساس الجود وده مخاسير = أحدن وصل و أحدن تردت فعوله
يا عيسى بن حمدان مسيت بالخير = فعلك ينومسني و واجب أقوله
إن جيت للمجلس قبايل مسايير = مدهال عزوه منصى في كل دوله
الفضل لله دوم دلاله مباهير = حيل(ن) يقلطها و حيل معقوله
شيخ(ن) ولد شيخ(ن)إخوانه مشاهير = كلن يروم العز يسرج خيوله
مرحوم يا متعب و مني تباشير = أخوك للعليا محفّز ذلوله
راعي عطايا الله أصايل مغاتير = هجن و عسايف نقو ماهي هموله
وصّ العماني ودنا خوش تضمير = كأس الخليج السيف شفي تنوله
أمدح فعل ربعي و لا أحتاج تبرير = و كلن حسب فكره يقيّم ميوله
عديت صدق القول مافيه تزوير = لا لا يظن البعض أدور سيوله
طبعي كما رجل(ن) فـ راسه زعاطير = يحب ربعه يفتخر في أصوله
و النعم في كل الوجيه المسافير = بحجم السحاب اللي تهبهب قبوله
يا رب لطفك من جحيم السواعير = ومن ساعة المحشر عذابه و هوله
و صلاة ربي عداد طلع النواوير = على نبي الحق محمد رسوله

صح السان الشاعرمحمد عيد الوابصي

وبيض الله وجهه على القصيده الجميله ولاكثر من رائعه

ولست غريبه على راعي الجزلات ابوعيد

وتسلم يا اخي لافي على لنقل والاختيارالرائع

وتقبل مروري

لاهنت على هالقصيدة الجزله

صح لسانك ولسان الشاعر محمد عيد الوابصي

صح لسان الشاعر / محمد الوابصي على هالقصيدة الجزلة وتستاهل قبيلة بلي كل هالمدح والفخر
أمدح فعل ربعي ولاأحتاج تبرير : وكلن حسب فكره يقيم ميوله.
( والنعم في الممدوح والمادح)
ويعطيك العافية أخوي لافي على هالنقل المميز وننتظر المزيد منك ومن شاعرنا الرائع المبدع
بلي هنا وهناك رجال(ن) مناصير : لحكامنا درع وولاء ورجوله.

إحترامي
و
تقديري

الله يعطيك العافية-- قصيدة جميلة

تسلم علي هذا النقل


وصح السان الشاعر



ويستاهل العريس



مودتي للجميع