الى ابن الشهيد البطل

الى روح الشهيد البطل نايف فالح السحيمي
والى ابنه تركي
وأسأل الله ان يرحمه ويسكنه فسيح جناته

جاني خبر من عالي جبال دخّان=خج الحنايا والمشاعر حزينه
يارب صبرني على فقد انسان=غالي عليّ وغاليات" سنينه
ابكتب القيفان في دمع الاعيان=واصبّر احزاني بحزن المدينه
ابوك ياتركي استشهد بجيزان=دافع بروحه عن بلاده ودينه
افرح وانا عمك ولا تطري احزان=دام الشهاده واضحه في جبينه
لا تحسب انه مات ياطير حوران=ابوك حي بجنته شايفينه
في جنة الفردوس ياحامي الاوطان=لا تنثرون الدمع يا فاقدينه
نايف شجاع ودرّب صقور شجعان=يوم الملاقا ما تراعد يدينه
دنياه راحت في يتيم" وجيعان=قليل يدري وش تقدم يمينه
مرحوم ياللي حط للعز نيشان=على حدود المملكه رافعينه

الشاعر العذب فهد حمود القحم


قصيدة تلامس الاحساس

رحم الله الشهيد نايف بن فالح السحيمي رحمةً واسعه واسكنه فسيح جناته


أطيب المُــنــى ،،

سلمان العرادي

فهد حمود القحم




صح السانك



نص رائع صادر من احساس صادق




جزاك الله خير والله يرحم نايف وجعله في الفردوس الاعلى




مودتي لك

الشاعر فهد القحم صح لسانك
وبادره طيبه من شخص طيب بارك الله فيك
ــــــــــــــــــــــــــ

صح لسانك ورحم الله شهيدنا
واسكنه فسيح جناته
وربط عاى قلوب اهله وابنائه