في عيون الحب شفناك الغريق = ومن يحب يحب بالدنيا الشقى
شوف قلبي إمتلا جوفه حريق = قلي يا عمري دخيلك وش بقى
كان يمشي في طريقة بالطريق = شافني امشي على وضح النقى
قال هذا اللي يبي يصبح صديق = من هقى فيني فديت اللي هقى
جيته بقلبً ملاه الوقت ضيق = هو لقاني ضايق وضيقه لقى
روحي اللي في حلا روحه تليق = معلقه فيني وفيه معلقى
ساقني حبه وبل الروح ريق = قال لي تكفى يوم انه سقى
مابي تنساني وانا قلبي رقيق = واثقً فيني وانا عطيته ثقى
لين غاب سنين والنجم البريق = ارتقى نجمً على غيره رقى
ثم عاد بدمعة الصوت الشهيق = لين خدي من دموعه اغرقى
قال أحبك سامح القلب العميق = بالجروح اللي لفت بعد اللقى
قلت مسموحً وانا جوفي حريق = قلي يا عمري دخيلك وش بقى
التعديل الأخير تم بواسطة سلمان العرادي ; 11-08-2009 الساعة 07:19 AM
صح لسانك وسلم بنانك أخي رشيد
اطربتنا وارويتنا شعراً بجميل معانيك
أطيب المُــنــى ،،
سلمان العرادي
الشاعر/ رشيد الفاضلي
1111111لله عليك
صح لسا111نك
ماقصرت قصيده رائعه وكلمات أروع
لا هنت اخوي
ويعطيك الف عافيه
تقبل مروري
اخوي / مشعل الحمري .
الشكر على تواجدك في صفحتي .. والابداع هو ردك العذب .
يعطيك الف عافيه على مرورك يالغالي .
...............
أخوي / سليمان العرادي .
صح بدنك .. وسلمك ربي من كل مكروه .
شكراً لك على مرورك .. وتقبل تقديري .
...............
اخوي / نايف مقبول العمراني .
صح بدنك .
وما منك قصور .. والاروع تواجدك .
ولاهان غاليك ومغليك .
ويعافيك ربي .. ويعطيك العافيه انت على مرورك .
الذين يشاهدون الموضوع الآن: 1 (0 من الأعضاء و 1 زائر)
المفضلات