ماني خويّك

الصدق لو يجرحك يبغى يداويك=من الجروح اللي ماتلقى مداوي
وأنا صدوق أصدق من اللي يمنيّك=وأن رحت تحتاجه يصف الحكاوي
وأنا أعرف إن الصدق يبغى يعنيّك=ومن بعدها تختار باللي تخاوي
أما تخاوي حر لاطحت يفديك=والا تخاوي بارد الحيل ثاوي
بالفرفشه والضحك كلاً يسليّك=وكلاً يقول إنه بعيد الهقاوي
وإن ضايقك وقتك وضعفت به إيديك=خلوك في دربك وحيد وخلاوي
وماني خويّك يوم كلاّ يخاويك=أنا خويك يوم ما لك مخاوي
في يوم ماتلقى صديقاً يواسيك=أجيك كلي واعتزي بالعزاوي
من دون لاتزهم ولا تصعك آجيك=وقت الطلب ما ني صديقاً نحاوي
وأنا بوقت الضحك مالي غرض فيك=ياكثر صحبانك وأضنك غناوي

أخوكم/ عبدالله مناحي منقره البلوي

صح السانك ياعبدالله

ومااقول غير شبل من ذاك الاسد

صح لسانك ياابو علي وسلمت يمينك
نص جميل
تقبل تحياتي

ابو مناحى
صح لسانك وكفو والله
تقبل مرورى

صح لسانك اخوي عبدالله
وقصيدة رائعة

صح لسانك يا عبدالله