قصيدة لأحد الشباب كان يعاني

بسم الله الرحمن الرحيم
السلام عليكم ورحمة الله وبركاته
هذة القصيدة كتبتها عندما اشتكى لي احد الشباب كانت عندة مشكلة يعاني منها وعندها شخصت حالتة بهذة القصيدة

ياابو عوض مالوم قلبك ولوضاق=لنك تحس اعراض علة خفية
هذا الهوى ملعون ياصل للأعماق=راحت نفوساً في سبيلة برية
أكبر مرض مشهور يودي للأرهاق=واليا استمر راعية يصبح ضحية
عندك علم بأخبار عنتر ووش ذاق=ومجنون ليلى ارتكب لة جنية
مالة دوى موجود مرة بالأسواق=ولو لة مخدر حط بالصيدلية
كان الغضي يبادلك نفس الأشواق=ويسهر معك بالليل عينة شقية
حاول تمر الزين واكتب لة اوراق=وأشرح ظروفك صارحة بالقضية

صح لسانك يالشاعر

والله يكون بعون الهواوي

صح السانك والحب بلوى

صح الله لسآنك يا بوسلطآن

جميل كـ الغيم وأكثر

نص تشخيصي لا يكتبه إلا شآعر بمرتبة فآخر

صح نبضك وكلك

وطن من الحب لقلبك

السلام عليكم ورحمة الله وبركاتة
أشكركم على مشاركتكم ومروركم المتواصل وهذا بالنسبة لي أعتبرة تشجيعاً على الأستمرار
اشكركم علية

ونعم يابو سلطان طالع لخوالك

الصبي وان طاب طيبه من خوالهوان تـردى فعـلـم انـهـم خايبيـنـي

أشــرب الفنـجـال واكــب البـيـالـةطـيــبٍ واحـــب سـلــم الطيـبـيـنـي