أصعب قـرار

السلام عليكم ورحمة الله وبركاته

الحياة مواقف منها السهل ومنها الصعب ومنها الأصعب
محاولة اتمنى أن تنال إعجابكم

أصعب قرار إنك تعاند مكابر = حتى لو إنك واثقاً من دوافعك
والأصعب إنك مبتلى به وصابر = ويجيك واحد مايحس بمواجعك
وأصعب شعور تشوف عايل مثابر = ودك تبره بالنصيحة ويمنعك
والأصعب إنك تعترض شخص عابر = تفرض وجودك وأنت مخطي ويتبعك
وأصعب خيار مقابلة وجه غابر = تاقف معه وتجامله من تواضعك
والأصعب إنك تبتسم وأنت خابر = إنه يدور حاجته قبل ينفعك
وأصعب مصير إلى أقتفى العمر سابر = وبظرف لحظة خم روحك وودعك
والأصعب إنك لاسكنت المقابر = لقيت سو الخاتمة ضمن واقعك

إبراهيم عواد التلفيه

ابراهيم عواد التلفيه
صح لسانك مليون ولايكفون
استسمحك ماتردد دخولي متصفحك الرائع
واكررماسبقني به الاخوه الشعراء:
بماتستحقه من الاشاده والاعجاب والاطراء
وماهذه القصيده الجميله في طرحها
اللتي نالت استحسان الاعضاء
الشعراء ومتذوقي الشعر
حضورجميل وفقت كل توفيق

ولاصعب انك لاسكنت المقابر ==== ولقيت سوالخاتمه ظمن واقعك
صح السانك القصيده اكثرمن رائعه

صح الله لسانك وسلمت على هالقصيده الجزله
تحياتي

اللة يعطيك العافية ياشاعرنا

صح لسانك اخوي ابراهيم عواد