ياصاحبي والحرف يكتبني جروح

===================================

ياصاحبي والحرف يكتبنـي أجـروح
------------- والحـبر نزفـي والقوافـي أنينـي
أسمع صدى صوتي لوالصوت مبحوح
------------ أنت الـذي فكـرك لفكـري يعينـي
وإن جيت أفضفض لاتخلينـي أبـوح
-------------والدمع قلـه يـدرق وسـط عينـي
الوقت ذا من عاشه كتـاب مفتـوح
--------------سـره علـى كـل الخلايـق يبينـي
تصبح جروحه لجهل العالـم مـزوح
------------تضحك على جرحـا بقلبـه دفينـي
وانا الذي ماجيت أسامـرك وأنـوح
------------وأجـر صوتـا بالمواجـع حزينـي
جيتك وأنا بالشوق روحا لقـت روح
-----------جيت احتويها وأصبحـت تحتوينـي
لقيتها ورده شـذى عطرهـا يفـوح
------------وأنستنـي العالـم وجفـوة سنينـي
لاشفت زوله ينقلـب ليلـي صبـوح
------------وشلـون لاقالـت حبيبـي ضنينـي
اجيه كلـي وازرق الدمـع مسفـوح
--------- شوق اوغلا وان ماوصلتـه يجينـي
اجي لها غيمة غـلا برقهـا يلـوح
--------- أموت لجل أرضـاه ويعيـش فينـي
هو سلوتي يوم الزمن حزن وفـروح
--------- هو عندي أغـلا ماملكـت بيمينـي
عايش معي وأحس به وين مـاروح
---------- حتى وأنـا نايـم بحلمـي يجينـي
اقسـم قسـم بالله والعمـر باللـوح
---------انه لنفسـي عنـد نفسـي وزينـي
اقولها وإحساس الأحبـاب مفضـوح
--------لوكنت أخبي بيـن نفسـي وبينـي
وان قال ابوميعاد يافلان مسمـوح
--------برسم غلاهـا فـي مفـارق جبينـي
واسامر انجوم السماساعـة تضـوح
--------واسٌمـع الـي ماسمعنـي حنيـنـي
لين الصباح إيبيـن وانـواره تلـوح
--------وانا على مركاي وافرك يديني
ياصاحبي كثرتهـا قـول لـي روح
--------دربـي بعيـد وحيرتـي تحترينـي

رائعه من روائعك
شاعرنا / سعد هويمل السرحاني

شهادتنا بك مجروحه
ننتظر جديدك

تقبل حضوري

الشاعر الجميل



سعد السرحاني صح نبضك وأحساسك المتدفق بالعذوبه


نص رااااقي وشامخ



ودي

صح السانك شاعرنا القدير

ولاهنت

قصيدة عذبه باحساسها العذب

مساك الله بالخير يابو نادر

دائما يعجبني الابداع الراقي والابتكار الجميل

ابدعت ياسعد الله يوفقك 0 ولاهي غريبه منك

اجمل التحايا لشخصكم الغالي

و بحفظ الرحمن

*

الرائع والجميل والأنيق : سعد السرحآني

أطلت الغياب حتى كآد يقتلنا شوق الذائقه

ولكن أتيت هنا وأعطيتنا جرعه رآئعه وفخمه من الشعر

شاعر جميل لا يوآزيه إلا الغيم

صح نبضك وكلك

وكل عآم وأنت بخير