الناس كالمعدن رخيص وغالي .. اضرب على صم الصخر واسمع الدن..

من قصائد الوالد / سليمان ابراهيم الربيض الوابصي البلوي
" نسأل الله جلت قدرته ان يلبسه ثوب الصحة والعافية "


مناسبة القصيدة : يمدح احد ابناء عمومته في مدينة تبوك وهو عليان عواد السبوتي واحد اصدقائه يدعى حجاب ابن مشعان العجمي ولا شك انهما من رموز الكرم والوفاء

ابدا بذكر الله عزيز الجلالي =وابدي هجوسٍ بالضماير يجولن
واقول للعقيل مما جرالي=التايه اللي دايمٍ يحسن الظن
انظر تبيّن قبل مس الحبالي=واعرف ليا شفت الخطر تزبن لمن
من لايصف حسابها للتوالي=يمسن عيونه للخطر مايشوفن
الناس كالمعدن رخيصٍ وغالي=اضرب على صم الصخر واسمع الدن
لولا الشدايد ماعرفنا الرجالي=ولولا المواقف كل ابونا على سن
ياراكبين كوار هجنٍ حيالي=بنات حرٍ للعصا مايدانن
مثل الادمى ان شولعن مع سهالي=يطون قفار البيد والبعد يدنن
من روضهن بالكر زفن شمالي=يبغن تبـــوك ثم منــــها يردن
يلفن لابن عواد راع الدلالي=يضحك حجاجه حيث شاف الهجن جن
فيه افتخر لاجا لذكره مجالي=وان قيل من هو قلت من ربعنا حن
اللي وجاره من قديمٍ وتالي=دايم على جاله دلالٍ يفوحن
له مجلسٍ يزهاه نجرٍ يلالي=صوته يجيب اللي يريد اشقر البن
وزودٍ على زين النبا والتهالي=مفطحات الضان لو دين يشرن
والضيف ياخذ واجبه بالكمالي=راع الوفا دايم سلومه على فن
ردوا سلامي وانشد عن حوالي =فنّي على اللي خابره في واحسن
انشد عن العجمي كريم السبالي=للجود امآير في جبينه يلوحن
رجلٍ كريم خيار واف الخصالي=وان قال يفعل والمواقف تبرهن
حجاب ابن مشعان زبن الثقالي=ان جا نهارٍ فيه الارياق يبسن
هذا الصديق اللي على شف بالي=يوم الليالي بالمقادير يلفن
جل المراد وغايتي من مقالي=ماغير اشوفه قبل الاعمار يقضن
وان زارنا بالكر ياحب ذالي=الروض يزهر والروابي يهلن
وسلام مني عد وبل الخيالي =على نبيٍ هادي الانسن والجن جن

الله يشفية يارب

وصح لسانه

ولاهنت على النقل

الله يشفيه يارب..اللهم آمين
انسان غالي على الجميع

صح الله لسان الشاعر العلم سليمان الربيض على هالقصيدة الجزله

أسأل العلي العظيم يمنه وكرمه اين يلبسه لباس الصحه والعافيه


لك القلب لاتحافنا بقصائد الشاعر الجزل سليمان الربيض

وبأنتظار جديد ما تطرح


سلمان العرادي

اللهم أشفي أبــو محمــد

اللهم أشفي أبــو محمــد

اللهم أشفي أبــو محمــد

مشكور ع النقل الأكثر من رائع محمود ولا تحرمنا من قصائد أبــو محمد


دمت بخيـــر

صح الله لسان شاعرها على القصيده الجزله..

ونسأل الله ان يلبسه ثياب الصحه والعافيه..