على الصامت

.

.



السلام عليكم ورحمة الله وبركاته



من الجديد لغرض التواصل معكم


.

.

تقول ما زال جوالك على الصامت=بصير صامت إلين يدق جوالك
ما أقول نفسي عن إقبال البشر صامت=لكن تراي اقدر امنعها عن أشكالك
نفسي عزيزه إذا شافت جفا شامت=وأنا على ما أنت خابر مير شف حالك
وعيوننا اللي تمنّا شوفتك نامت=تصبح على خير يا غايب على فالك
في غيبتك ما قعدت دنيا ولا قامت=ما تنحني روسنا ... شي حطه فبالك
يمكن طيور السعد في جوّكم حامت=لين أضعفت ذبذبتك وشوّش إرسالك
من ما شكر نعمة الرحمن ما دامت=اشكر وشف مخرجك قدام مدخالك
قدام يلحقك هرج اللايم الشامت=وتصغر في عيوننا ويقل منزالك
أعطيتك العلم والعربان لو لامت=أنا عن اللوم برا مالي ومالك
فرْصَتك لا تضيع وأحطك على الصامت=وتصير صامت مثل ما صار جوالك

.

.


محبتي للجميع

الله الله الله

الغائب عن المنتدى والحآضر في قلوبنا : محمد الميهوبي

رآئع والرب .. نص لا يمكن ان يكون إلا هكذا

شفاف ويحمل بين سطوره عتب الرجآل الأنقياء

لله درك وصح نبضك وكلك

صح لسانك ولاهنت على القصيده

جميل هذا الابداع يا محمد


صح لسانك مدد بلا عدد يالجزل


أطيب المُــنــى ،،


سلمان العرادي

رائع جداً يا أبا سعد

عوداً حميداً

و لا تطول الغياب لأننا نشتاق لك و لجميل بوحك

بسم الله الرحمن الحيم

صح السانك ياغالي الله لايحرمنى ابداعك يابو سعد

ابو ماهر