يـــا غــنــيــمـه ..

يابلوة العاشق المبلي وسط البلاوي
والاماني ماصفتله ليه ماتصفيله


زاد ودي والعرب سموني الوداوي
من كثر ماشب ودي في راس الفتيله


يابعيده ليت يرفق بعدنا وياوي
ويعطي المهره مهرها والخيال خيله


اه لو توحي على المرقاب صوت عاوي
من عزبز الجرح لضحا تسمع عويله


والله ان ادري علينا الضيق بالتساوي
ان لفاك الصبح ودع صاحبك في ليله


لو هو برجال يمدي من فوق العراوي
جبت راسه فوق دمه والمسيل يسيله


ياغنيمه لو أهدك ماني بالجلاوي
كيف اهد العز والمقدار والفضيله


وانتي اصدق من دموع الحزن بالعزاوي
عن رذيل الناس شمتي عن درب الرذيله


صنفيني شاعرن دايم عنيدن ناوي
لو تصوتله حليمه وتفك الجديله


ليه وانتي تملكين الحسن فالطول الرهاوي
مثل جيب لكزس لارقا خشم الطويله


يا ذعاذيع البراد وقهوة الظلماوي
يا مشاهد روض يا مشاوير الاصيله


لا عرق جسمك يفوح الكمبودي والجاوي
لك عبايه غير لك برستيجك وشيله

أخي الشاعر

رائد السرحاني

صح لسانك على هذا الإحساس

وهنيئاً لنا بوجود

حرفك العذب بين حروفنا


أخي الغالي


لك

ودي و تقديري



ابو ريما

الأخ / رائد محمد السرحاني هنيئا لنا بموهبتك

صح لسانك ولاهنت

تقبل احترامي

يعطيك العافيه يا رائد السرحاني وصح لسانك

أخي الشاعر

رائد السرحاني

صح لسانك على هذا الإحساس

وهنيئاً لنا بوجود

حرفك العذب بين حروفنا

أخي الغالي

لك

ودي و تقديري

ابو ريما

خالد السحيمي هلابك ياغالي

وهنيئا لي بتواجدك في صفحتي

لاخلا ولاعدم ودمت كما تحب .. اخوك ابوعبدالله