الــــشــعـر جــبــتــه ..

ساقتني الذكرى وانا اسوق فكري=والشوق من عيني توريه الاهداب
على عشيرن كان في وسط صدري=واليوم عن صدري وعن ناظري غاب
اكبر قهر لاصار لك شخص يطري=بينك وبينه درب وسلوم ورقاب
لاهو قريب تقول لاعل يدري=بعيد مايدري عن الصب لاذاب
على البال يمحمد وماعاد بدري=كم ضيعت عذرا وكم ضاعت اشناب
بعيد عن شاربك ياهيه بدري=دامك تغني الشوق والحب غلاب
ودام العلوم اخلاف والراس فطري=وش خانت مقفي بلا سرج وركاب
أنا ليا شميت ذلي بعطري=شبيت بثيابي وحطمت الاطياب
لي كلمتي لا قلت والفعل عذري=ولي ميسمين يظرب على تلع الارقاب
يغنيني عن كثر الكتابات شطري=حتى ولو طول قصيدي وماجاب
الشعر جبته مير ماهوب حصري=عادي اذا عينت له حقد وعجاب
ماجيت احاول فيه وابيع وشري=لا ياسعد صحصح وحاول بالاعراب
الوزن وزني والشعر عاد شعري=مافيه مفتاحن فتح كل الابواب
حلات منهو زار ثم قال أبسري=خفف ولا جاله من الخاطر اعتاب
مع خالص التقدير وان ضاع قدري=أرقا وحدر به على كل مرقاب
يالله عسى يقوى مع الناس صبري=وصبر على شين يجيني من اقراب

الشاعر الجميل / رائد السرحاني

صح لسانك ..


نص رائع .. بل أكثر ..

اعجبني كثيرا ..



دمت للشعر .. رائد


محبتي لك

أسعد السحيمي

الشاعر الجميل / رائد السرحاني

صح لسانك ..

نص رائع .. بل أكثر ..

اعجبني كثيرا ..

دمت للشعر .. رائد

محبتي لك

أسعد السحيمي

اسعد السحيمي

صح بدنك ولسانك مليون ياغالي

مرورك نافذه للنظر الي الامام

دمت بخير انت ومن حولك