صيـــــــــــــــــت الـــــــــــــــــــرجل

صح الله لسانه ودام لك فخراً,,

قصيده جزله وكلها حكم ومواعض,,,

وننتظر ديوانه,, وصحت ايدياتك على ماطرحت,,

إن قلت عبر ما يعرف العباره = عود الذرم لو ولع ادناة مااطفاه


حامد اولا الله يسلم ايديك على نقل هالقصيده الجزله لوالدك اطال الله بعمره
الشاعر :راشد بن حمد ابن قرفان

ثانيا وين قصائده وليش ما تكون هنا علشان نستمتع بالدرر وما تحمل من معاني

تقبل مروري وصادق مودتي

[

quote=حامد راشد الوابصي;589370]

بسم الله الرحمن الرحيم
،،،،،
هذه القصيده من قصائد والدي حفظه الله
اضعها بين اياديكم


اخترتها من ديوانه الخاص
وارجو عدم نقلها لقسم المنقول ،، يوجد لدي معرف بإسمه شخصيا
ونظرا لا نتظار فتح ديوان خاص به
ونزولا لطلبات بعض الاخوان طرحت هذه القصيده لكم
،،،،،،،

صيت الرجل يظهر من اول نهاره = الناس تعرف غايته عند مبداه

الصيت ما يظهر بليا جباره = والذكر يطلع للرجال المسماه

الطيب مع راعيه مثل المناره = يسعف خويه يوم تردي مطاياه

اللي بنا بيته بوسط القراره = مشيد بيته لنفسه ومن جاه

ماهو محسب للتعب والخساره = يالله عسى غبر الليالي تعداه

واللي ايلانه جاك ما من جساره = الاجودي ماتعرفه غير عذراه

تمضي حياته بالعنى والعزاره = هذي عزاره باسمها دوبها ياه

وحدٍ سكن بالمدن يبغى حضاره = مامن درى له وين حاديه وداه

ما احد ذكر بيته من اياة حاره = نسيوه ربعه جعل مولاه ينساه

واللي علومه بالمجالس كثاره = يا حليلها عن دلت على شي سواه

وحدٍ تزمه بالمجالس كباره = إيلا ضحك دوبه يبين ثناياه

إن قلت عبر ما يعرف العباره = عود الذرم لو ولع ادناة مااطفاه

واللي يعاكس مع خويه وجاره = ما يمشي إلا في طريق يتوراه

خله على رايه يطارد غباره = مالك ومال اهل اللوى والملاواه

ومن قال ما يُخدع بعرف وحباره = أرعه تختله مثل ما تمسك الشاه

ولا الرجل يعور ويرقب عواره = غير الذي نص الاوامر تخطراه

،،،،،،،،،،،،،،،،،،،

راشد بن حمد قرفان

الله عيك يابوحمد اخيراً استجبت لطلبنا بتلك القصيده اللتي تفتخر بشاعرها وهوشاعرغني التعريف ونحن اقل من اطرائه ادامه الله صح لسان الشاعر وتسلم يمينك اخوي حامد وكثرلنا منها0
لاهنت0

[/quote]

هلابك يابو سامي
ياعزيز المقامي
،،،،،
وانتظروا ديوانه الخاص بإذن الله
طابت أوقاتك

صح لسان الشاعر الله يحفظه

وتشكر على طرح القصيده الله يعطيك العافيه

تحياتي لك اخوي حامد ولوالدكم الكريم

حامد راشد

سلمت ومشكور على نقل هذه القصيده الجزله

و

صح لسان والدك الله يعطيه طولة العمر والعافيه


وحقيقه يابو راشد :

أدري أنك ماتجيب الا الغنايم والجزال = سلمت يديك وسلمت وبارك المولى بابوك

صح لسانه ومتعه الله بالصحة والعافية
وشكراً للنقل الرائع