الملح والزاد

ماني من اللي ينكر الملح والزاد=ولاني من اللي يحملون الضغينه
اشوم عن نقل الضغاين والاحقاد=واصد لاشفت الوجيه المشينه
ولا اسمع كلام اللي يسبون الاجواد=اللي هدفهم يغرقون السفينه
اهل النميمه ودهم حرب وجهاد=لاكثر الله شكلهم بالمدينه
يضيق صدري كل ماشفت حساد=راع الحسد والحقد ماني خدينه
انا هوى بالي عريبين الاجداد=اهل المبادي والعلوم الرزينه
امثال ابو فالح وصالح وعواد=وبعض العرب لوغاب ماقلت وينه
نسل القروم اللي لهم ذكر وامجاد=يوم العزاوي حقهم ماخذينه
يالله عساهم مايشوفون الانكاد=وكلن عسى الله في حياته يعينه

لسانك يصح ابوحمود
رائعه من روايعك ونعم فيك وبمن ذكرتهم بلقصيده العقيص وبن زبن والربيض

صح لسانك والله يعطيك العافيه

اقول لاهنت يانسل الاجواد
لك بالشعر بصمه وكلمه رزينه

لسانك يصح ابوحمود
رائعه من روايعك ونعم فيك وبمن ذكرتهم بلقصيده العقيص وبن زبن والربيض

هلا وغلا ياابومحمد والنعم في لحيتك

تسلم يالكثير الله يكثر من امثالك

الحقيقه انها قصيده جزله ومميزه ودائما قصائدك تهد الى مواضيع مهمه

تحياتي لك

وتقبل سلامي