المشاركة الأصلية كتبت بواسطة الكثير
في حضور الظلم وغياب العداله= لا تسولف عن ظروف المسلمين
يبلش الرجال في مصرف عياله= والبلا لا صار عنده حرمتين
دخلنا المحدود ما يسد البقاله= يوم منها لاطفرنا نستدين
بالبلد عشنا على كيس العماله=مثل ما الشعب السعودي عايشين
وش نسوى ودنا نكسب جماله=بالحياه اللي تهيل الناظرين
ضاقت صدور الرجال اهل الشكاله=وضاعت جهود الرجال المخلصين
البلد في خير واتسرك حواله= لكن المردود عيا لا يبين
يعجز الرجال لا يطعم حلاله=والموارد من يسار ومن يمين
جد عصر الظلم وعصور الجهاله=واختلف ظن الرجال الطيبين
والرجا بصقر العروبه حي فاله=خادم البيتين أمير المؤمنين
صح لسانك يالكثير
على هالقصيده التي تعبر عن حال المجتمع والشعب ممايعانيه من أحواله الماليه المترديه والتي لاتواكب مستوى هذا العصر المجنون بأارتفاع أسعار سلعه التموينيه الى نسبه تصل الى 100% والكماليات الى نسبه تصل 50% دونما من مراقب ولاحسيب 0 وأن مافزع الله لهذا الشعب ماتوا ظماء0
لكن ألامل بعد الله عز وجل بابو الشعب وصقر العروبه ابو متعب خادم الحرمين وحامي أرض الرساله المحمديه والسيف البتار على الفقر واعوانه حفظه الله وأمد بعمره ونفع به الجميع0
أشكرك ياشاعر الشعب ولسان معانته أخي العزيز والغالي أبو حمود0
قصيده رائعه من شاعر رآئع تحياتي
رد: في حضور الظلم
رد مع اقتباس
المفضلات