الملح والزاد

شاعرنا المبدع اسعد السحيمي حضورك نجاح وشهاده اعتز بها دمت ودام ابداعك

ماني من اللي ينكر الملح والزاد=ولاني من اللي يحملون الضغينه

اشوم عن نقل الضغاين والاحقاد=واصد لاشفت الوجيه المشينه
ولا اسمع كلام اللي يسبون الاجواد=اللي هدفهم يغرقون السفينه
اهل النميمه ودهم حرب وجهاد=لاكثر الله شكلهم بالمدينه
يضيق صدري كل ماشفت حساد=راع الحسد والحقد ماني خدينه
انا هوى بالي عريبين الاجداد=اهل المبادي والعلوم الرزينه
امثال ابو فالح وصالح وعواد=وبعض العرب لوغاب ماقلت وينه
نسل القروم اللي لهم ذكر وامجاد=يوم العزاوي حقهم ماخذينه
يالله عساهم مايشوفون الانكاد=وكلن عسى الله في حياته يعينه

وسلامتكم
"اخوكم ومحبكم ابوحمود"

وكلا على دينه عسى الله يعينه
صح لسانك ياكثير الطيب ياطيب القلب والنعم بماذكرت وفيك ياابوحمود والسلام