أمريكا والأنظمه العربيه

ياهاجسي رتب حروف الشعر والمغزى سمين=وعنزعلى راسي وراسي مايجيب الاالصحاح
شاعر،،سياسي متقن المعنى بكل الحالتين=ودارس مفاهيم النضال اللي بداياته كفاح
ماني مفكر با الحكومه والشعوب الغافلين=با اقوم وافسرزمان العولمه والا نفتاح
العولمه تشجب ثلاث ايام والرابع تدين=وتستنكر الموضوع عام وتالي الدعوى سماح
وان غلطة امريكاعليك تقول حنا اسفين=ولازم تبسم لين ما يضهرعليك الأنشراح
وان رضيت امريكا عليك تروح مرفوع الجبين=وتهزراسك وانت مستانس وتشعربارتياح
وتقول لو صدام ما خالف كلام الكرملين=يمديه باقي للعراق اللي دمره الاجتياح
وشعبك ملوع والبطانه با لوزاره لاعبين=هذا يثبتها وذاك يشوتها كلش مباح
وليا طلبك مواطنك خل الجواب بكلمتين=الحاكم المطلوب ماهوداخل الخدمه متاح
وان ضقت غن وغيرالموجه عن الجو الحزين=ويرح عنك الضيق لاغنت على المسرح صباح
والأنفتاح اسمه يسد الله يعز السامعين=الانفتاح اخطرعلى الامه من اطرف الرماح
بنطال طيحني وسامحني ونمص الحاجبين=وطقوس عيد الحب والميلاد يالله السماح
وقصةشعرمثل الخواجه والاساور باليدين=وتواعد البشكه وسهره ماجنه حتى الصباح
والمدرسه تاخذرسوم الفصل الاول مرتين=ونهاية العام الدراسي قيل مبروك النجاح
وتقول بابا وانت عمرك في حدود الاربعين=وان ما تلبى لك طلب تزعل وتقلبها نياح
هذي نتيجة حرب فكري قادها الغرب اللعين=واستهدف ابناء العروبه لين جنبها الصلاح
استغفلونا بالتطورلين نالوحاجتين=كسر الشموخ وماضي التاريخ للمجهول راح
ماكن سيف الله خالد قاد جمع المسلمين=وما كن دافع دون بيت القدس أيوبي صلاح
يا شعب يعرب من محيط الغرب لين الرافدين=لين الخليج اللي على صدور العرب مثل الوشاح
اصحوعلى واقع بكت له من سوات الغرب عين=استمسكت دمع الغضب لين التضى جمره وفاح

بسم الله الرحمن الرحيم
صح السانك على هذة القصيدة الجميلة
التى تحكى واقع الامة العربية
وبيض الله وجهك

مشكور على القصيدة الرائعة

هذه من اجمل القصايد التي تحمل ابداع شاعر ومعنى عميق

تقبل اعحابي بهذ النص الشامخ يازايد

بسم الله الرحمن الرحيم

أخي الشاعر:زايد الزبني

قصيده شاعر قدير مميز وإن اختلفت معك في بعض الافكار

تبقى جميل اخي زايد

لك التقدير والاحترام

مشكور على القصيدة الرائعة