رسالتي للبطانه الفاسده

تسرقون الشعب في عز النهار=تحت بند الغش وغياب الضمير

خنتوا الله والمعازيب الكبار=ولا سلم منكم غني ولا فقير
ظلمكم عدى البراري والبحار=لكن المسلم على نفسه بصير
مالنا حيله برد الاعتبار=والحرامي دونه السيف الشطير
النوادر عايشه تحت الحصار=والحديا وين ماتبغى تطير
ماتشوف اليوم كثر الانتحار=والعرب ضايق بها الكون الكبير
والضغوط اللي تجيب الانفجار=حلها يصعب على فكر الوزير
افزعوا للناس قبل الانهيار=يااهل العوجا ترى الموقف خطير

الكلام القليل يغني عن الكلام الكثير وهذا مادلت عليه هذه الرائعه ياشعرنا الكثير
فعلا خير الكلام ماقل ودل0

أفزعوا للناس قبل الانهيار,,,,,,,,,,,,,ياهل العوجا ترى الموقف خطير0

خير مااعتزيت ياشاعرنا ومن اعتزى باخوان نوره ماخاب واما البطانه هاذي مانافع فيها لامداوي ولاطبيب ودواها الله و المعازيب ونحن الشعب لا حيله لنا بعد الله سبحانه الا الدعاء اللهم ارزقهم البطانه الصالحه كل جمعه هذه دعوتنا لكن الله واعلم ان دعواتنا ماهي مستجابه ولايمدينا دمرنا كل البطانه الفاسده على مستوى الوطن العربي وليس على مستوى المملكه فقط لحكمة لايعلمها الا الله 0

والثانيه دعوتنا على الكيان الصهيوني اسبوعيا منذوا مايقرب من ستون عاماً ولم يحصل للمعنين البطانه واسرائيل غير العافيه وكل مالهم يزدهروا على المستوى العربي ولكن مانقول غير حسبي الله ونعم الوكيل على كل الظالمين0 ودمتم بخير ياشاعر التميز والجزاله تحياتي

صح السانك ابيات جزله استمتعت بها

الله يكثر من امثالك

ابو ماهر

صح السانك ابيات جزله استمتعت بها

الله يكثر من امثالك

ابو ماهر

صح بدنك وشرفني مرورك