_ الحــــــوت _

يامسلميـن البارحـة راعنـي حـوت=أقفيـت عَنْـهُ وكنِّـي اقفيـت يـمّـه
يسبح مع الجـوزا وتجديفـه سكـوت=والشمـس فـي جِرْيَانَهـا ماتهـمّـه
له زعنف بصنعـا وزعنـف ببيـروت=ياوسـع مدبـاره وياضـيـق فـمّـه
تزعّمـوا حولـه ثلاثيـن طـاغـوت=واستاسـر بجوفـه مـن الجـن أُمَّـة
على طرف ذيله ثلاث : (الفتى) و(نوت)=و(القاضـي) اللـي لاضميـرٍ وذمَّــه
فـي عينـه الزرقـا تناثيـر ياقـوت=في حِجـر حوريّـة ليـا اقفـى تلمّـه
هذا العجيب اللي لقـا العقـل مبهـوت=كأنَّـمـا تصَّـعَّـد العـيـن قِـمَّــة
ياليتها ماهـي مـن اسحـار هـاروت=أو صـرت لجنـون الليالـي مخـمّـة
ياعم * لاجتـك القصيـدة علـى النـوت=أنـت الخبيـر اللـي يحـلَّ المهـمَّـة
سلطان في لغـزه مكلبـش ومكبـوت=أسيـر قيفـان وسمـع صـوت عمّـه
يافزعـة الخاطـر ويانزعـة المـوت=ياحالة الضيقـة ويـا اشنـع مطِمّـة
يافـارج الكربـة وياسامـع الصـوت=رجواك في حالـي عـن ادنـى مذمّـة
يا ابو فهد صـدر المراسيـل منحـوت=والعجـز فـي جرحـي يقفِّيـه دمّـه
مايشكـي الشاعـر ولكنهـا بـيـوت=ينظـم جُمَلهـا لجـل ينـزاح هـمّـه

الرد :

سلطان متروّع وصايم عن القوت=من هول حوتٍ ياخذ العقل كمّه
حوتٍ يهيل العقل في بطن ساحوت=صعّب علي حلاه ويقول سمّه
لامعطيٍ رمزه ولامعطيٍ دوت=لاشك بسم الله وتزول غمّه
منته بجنب السِيف يالابس الكوت=ولنته بعرض البحر في غب جمّه
الليل مظلم وانت مبعد عن السوت=مبعد عن الأضواء في جنب حمّه
هيّض خيالك عُظْم خلق الملاكوت=ورسمت لوحه بالنجوم المكمّه
بين الجدي وسهيل جدّفت بالبوت=ومابينهن من كون تامم متمّه
أبدعت في رسمك ومافاتك الفوت=هذي حقيقة صدق والقول ذمّه
خلّيتني محتار والفكر مشتوت=كنّي معك لازلت في جزء عمّه
الليل موحش دون رفقه وزغروت=دق الوتر بانغام والطار حمّه
والتمر فالبستان أطيب من التوت=وان مالمست الورد يكفيك شمّه

* القصيــد مصافحة ومبادعة بيني وبين الوالد والعم الكريم : مسعد فرج الوثر

.

الشاعر الجميل / سلطان البلوي


صح لسانك ..


نصوص تأسر العقول .. وتحبس الانفاس


.. فريد .. بأسلوبك في نظم النص .. ياسلطان ..


أشبعتني شعرا .. وليس بغريب



دمت كما انت .. سلطان



محبتي

أسعد السحيمي

صــــــــــــــــ ح لـــــ سانك

مشكور على هذه القصيده الراائعه

وصح السانك ولسان الشاعر مسعد فرج الوثر





0

صح بدنك

ومن القلب ألف شكر لك على الحضور الجميل

عندما يحضر سلطان

يحضر معه الشعر واهل الشعر

سلم فكرك وقلمك

اهلاً بالقلب يا أبا عمر

وعلى خطاك الشعر يا أستاذي


ألف شكر لحضورك الكريم

سلطان متروّع وصايم عن القوت

من هول حوتٍ ياخذ العقـل كمّـه

ما اجمله من مداعبه

الشاعر سلطان البوي

صاحب القصيدة انت ام احساسك

اعتقد الاثنين

لا يمكن ان الاستغناء احدهم عن الاخر

الشاعر الكبير سلطان البوي

صح السانك


ولسان عمك



قصدتين رائعتين


تقبل مروري