يظن أن الرجوله بلبس البدله (العسكريه)!!!!!

موضوعك هذا جا على الجرح لان الكل يعاني من هؤلاء المتخلفين وخصوصا امن الطرق حقين الجهراء وتيماء الله لايوفقهم هذا الي عندي لهم .
لان الكل يدعي عليهم يعني بالله 128كم تسمى سرعه بطريق مزدوج هاي واي والمصيبه رحت اخر الشهر بسدد القسيمه ماحصلت علي شي قلت شكله شاف انه ظالمني ويمكن حطها انذار بس بعد شهرين او اكثر رحت اشيك إذا علي قسايم لقيتها 600ريال طلع العين مأخرها عشان انساها وتتدبل !!
بس الله لايعوق بشر مارايح اسددها لو تاصل 6الاف لانها ربا الله يكفينا شره .
والحمدلله فكنا الله من شوفت اوجيهم ونتهى طريق المعظم الله ايوسعه لنا يارب.
اسف على الاطاله وعلى الالفاظ بس من قهري وتقبل ودي قبل ردي.

والله ياجماعة أنا حصل لي موقف مع رجل أمن الطرق

مشيت من الشرقية مأحد قال ليه وين أنت رايح والحمد الله لأنني محترم نفسي

ومحترم النظام وخايف من القسايم إلي تقسم اظهر

المهم الموقف

طلعت من الشملي الساعة ( 0900 ) صباحاً ومواصل مانمت بعد ماتعديت الشملي

بــ ( 40 ) كيلو تقريباً والخط فاظي ماتشوف أحد إلا وفيه جيب دورية مديلة قديم

ويالله يمشي من من قدمة يعني خرده المهم طفته وأنا أمشي ( 100 ) يعني ماني مصرع

وشوي وإذا به يشكل ليه بالنور وقلت ياملا البلشة ويش عند هالزقه

وقفت ونزلت وهو مانزل من السياره

وجيه وإلا شكله حتى وجهه ماهو غاسله ويعرك أعيونه

قلت خير وشعندك قال ليه تطوفني قلت وشلون ليه اطوفك يأخي انت تمشي عشره

ولازم اطوفك

طبعن طلب الرخصة والاستماره وقعد يكتب قسيمه الاخ

قلت يارجل لماذا القسيمه على ايه قال طفتني

قلت يأخي من هالزحمة الي بالخط ماغير انا ونت الخط فاضي

قال طفت مع الخطوط المدبوله الي ماعرفتا إلى هالحين

المهم كتب القسيمة قلت يارجل خاف الله ترى محاسب يوم القيام على مثل هذا العمل

انت اعطيتني قسيمة على غير حق

مارد علية

قلت اظاهر انك مابتسلم المنوابة إلى بعد ماتعبي هادفتر

مارد علية معطيني اشكل

والله أعلم بحاله يرثالها

لا لبسة مرتب لا شكله موؤهل لا دوريته موؤله

حسبي الله ونعم الوكيل

والله العظيم هذا الي حصل

الرجل لحقني الحوق وعطاني قسيمة من غير شي

والان اندبلة علية

موضع رائع اخي رفيق المظامي

كلام صحيح 100%

تخيل كل ما أروح وأجي من الجنوب طبعاً احب الذهاب بسيارتي لحبي للسفر ما أحد يوقفني بالذات غير أمن طرق تبوك
تحصلهم مستعدين حتى يمكن تجيهم وهم مجهزين اسمك بالمخالفة .
مرة لما وصلت للنقطة وقفني واحد منهم وقال لي ليش تصقع يعني (تشكل) لخويي بالنور العالي
بالرغم ان خويه ضارب النور العالي وشكلت له وراح السيد متصل على اخوياه بالنطقة ألي بطريق ضبأ
تفاهه من جد .
مشيت من الجنوب إلى تبوك بالرغم من كثافة النقاط بالجنوب ما أحد وقفني غير أمن تبوك لقيتهم عند مفرق اشواق هم وبراميلهم والواحد لما يمد يده يبي ياخذ البطاقة قاعد يطالع بخويه وهو ماد يده وكاسر رجله

أي إحترام هذا

قال لي رخصتك مطوفة

قلت ياخوي جيت من الجنوب ماوقفني غيرك
وش بلاكم يا أهل تبوك
بس هذا كأنه انحرج شوي
ولما وصلت للنقطة ألي بتبوك إلا الثاني جاهز ووقفني
مدري ليه بالذات تبوك أما فيها شكليات من الشرطة وأمن الطرق

الله يخلف

تشرفت بردود الاخوه والزملاء وتحياتي للاخ/ خلف الربدي وشرفتني بمرورك وكذلك /شيهان بلي ياهلا وغلا

الله بعطيك العافيه عوايدك طرح كل مفيد يارفيق المضامي
الاخوان ماقصرو واثرو الطرح اما انا فاالوم رؤسأهم وادراراتهم وماهو دور الوزير ووكيل الوزاره والاماره ومديرياتهم وقادتهم التسلسل
هرمي ولازم كل شخص يقوم بدوره بكل امانه
اشكرك على طرحك الراقي

مشكور أخوي علي وبصدق ودون مجامله شرفتني بمرورك الكريم وما يهونون الاخوان الله يعطيكم العافيه