من عذابي شق لك ثوب ارتياح.. وفي ألم روحي تسلى ياقمر

من عذابي شق لك ثوب ارتياح =وفي ألم روحـي تسـلى يا قمر

يا حياتي ما تقاسمنا الجراح = والصـبر والله ما عنـدي صبر

كان في قلبك سعادة وانشراح= شوفها أشواقي أحرّ من الجمر

قربكم أحلى من إشراق الصباح = لكن المقسوم ما مـنّه مفـر

دونكم حال القدر والحظ طاح= وصارت عيوني أسيره للسهر

طال بي مسراي لين الصبح لاح= وانتهى في بابكم عمر السفر

قوم فك الباب للشوق اجتياح= لا تباطى ما لكم دوني عذر

وشاهدي حزني على صدري وشاح= واقري اهمومي على وجهي سطر

وعاتبيني من مساكي للصباح=واقبلي عذري إذا جيت اعتذر

في حياة الناس شئ اسمه سماح=سامحيني ....كان لي عند قدر

يا الكريمة ما قريتي بالصحاح= ما يرد من القدر كثر الـحـذر

وما أبي يوصل رجاي الانبطاح =لا ورب الناس ما أترجى بـشـر

هامتي تعلو على درب الكفاح =ولو تروح الروح ما نحني الظهر
تحياتي لكم.....
أ / سعود محمد جزاء

الشاعر الجميل / سعود الرشودي


صح لسانك ..


شاهق في كل ماتكتب ..


نص جميل ورائع بل اكثر ..


احساس راقي .. وحس مرتفع وجمال لاينتهي


محبتي لك

أسعد السحيمي