من عذابي شق لك ثوب ارتياح.. وفي ألم روحي تسلى ياقمر

الشاعر الرائع / سعود الرشودي


صح لسانكــ


نص جميل وحظور يجبر على المتابعه سلمت ودمت بخير

من عذابي شق لك ثوب ارتياح =وفي ألم روحـي تسـلى يا قمر

يا حياتي ما تقاسمنا الجراح = والصـبر والله ما عنـدي صبر

كان في قلبك سعادة وانشراح= شوفها أشواقي أحرّ من الجمر

قربكم أحلى من إشراق الصباح = لكن المقسوم ما مـنّه مفـر

دونكم حال القدر والحظ طاح= وصارت عيوني أسيره للسهر

طال بي مسراي لين الصبح لاح= وانتهى في بابكم عمر السفر

قوم فك الباب للشوق اجتياح= لا تباطى ما لكم دوني عذر

وشاهدي حزني على صدري وشاح= واقري اهمومي على وجهي سطر

وعاتبيني من مساكي للصباح=واقبلي عذري إذا جيت اعتذر

في حياة الناس شئ اسمه سماح=سامحيني كان لي عند قدر

يا الكريمة ما قريتي بالصحاح= ما يرد من القدر كثر الـحـذر

وما أبي يوصل رجاي الانبطاح =لا ورب الناس ما أترجى بـشـر

هامتي تعلو على درب الكفاح =ولو تروح الروح ما نحني الظهر

تحياتي لكم

أ / سعود محمد جزاء

سعود الرشودي

صح إلسانك

نص عذب متدفق من أحاسيس جياشه

محبتي لك

سلطان القنيدي

قربكم أحلى من إشـراق الصبـاح

لكـن المقسـوم مـا منّـه مفـر

دونكم حال القـدر والحـظ طـاح

وصارت عيوني أسيـره للسهـر

طال بي مسراي لين الصبـح لاح

وانتهى في بابكـم عمـر السفـر

الله الله ابيات رائعه وشاعر اروع صح السانك مع التحيه والاحترام

صح لسانك ويعطيك العافية