قصيدتي بحفل الهشيمات

يا مرحـبا ترحيـب حشمـه ومقــــدار = وطيب وفا ومحبتاً مابعدها

وفنجال كيف وعود وانواع الا زهار = ونفوس بالترحيب يكمل سعدها
باللي حضرحفلة بعيدين الا نضار = اللي لهم بالمجد صفحه وحدها
والنعم برجال الهشيمات الاخيار = قوماً تسل اسيوفها من غمدها
عزوة بلي لا صار بالوقت ماصار = سحابتاً تبرق ويرعد رعدها
يقوله اللي بالوفا لجلهم ثار = وضروفه اللي تمنعه ما نشدها
نسج من افكاره بديعات الاشعار = وبنا بيوتاً تتعب اللي صعدها
يسوقني للمرجله دمي الحار = واسوقها لين اتعدى جهدها
ياهل الكرم جينا على شبة النار = ويامزعفر الدله من الهيل زدها
والمرجله ما جت بدرهم ودينار = وماكل من حصل دراهم وجدها
ماجابها الا طيب الا صل والكار = اللي مواقيفه عدوه شهدها
حمادله بقلوب الاجواد تذكار = محبتاً من طيب فعله حصدها
لا مجاد ربعه يدفعه عزم واصرار = واكبردليل ان الحوافز رصدها
ولن ابوخالد بالمواقيف جبار = يستاهل البيضا مشيد عمدها
انا اشهد انه حر من ماكر احرار = والحر لا شاف الطويله قصدها
وحمدان له في ساحة المجد منبار = من طيب ساسه عزوته ماجحدها
وقف لهم وقفة فخرمابها اسرار = مواقفاً تذكر وكلن حمدها
كان العطى بالكيل يعطي بقنطار = ومدات جوده ما يغلق عددها
انا اشهد انه بالوفا معتلي شار = وان كثرت القالات بين سندها
يابو صقر يا محمد انشدك محتار = المرجله خاويتها من مهدها؟
اقولها لنك رجل شهم وخيار = ونقدت نفسك قبل احد ينتقدها
والفكره اللي جبت من بين الافكار = تشكر ويشكر من وقف واعتمدها
خصو بها اهل العلم في كل الاقطار = أبناء بالتعليم عدت عتدها
والعلم نوره غير عن كل الانوار = العلم فيه القوم تبني بلدها
وطلا بنا شرهاتنا فيهم اكبار = ولهم علينا شرهتاً في وعدها
وختامها صلو على سيد الا خيار = محمد اللي دعوته ما بعدها

زايد الزبني

صح إلسانك

نص جزل

{ والمعذرة آتيت متأخر عن هذا المتصفح الثمين }

محبتي لك

سلطان القنيدي

صح لسانك مشكووووووووووووووووووووور