تبوك الورد 0 بمناسبة زيارة بلي ينبع لاعضاء منتدى بلي العريق

تبوك الورد

مني ومن ربعي سلام ابتدي به = على تبوك الورد واللي نزلها
تبوك بأهل الجود دايم خصيبه = هاذي حقيقه قل من هو جهلها
ون جاء مجال الشعر وانا خطيبه = حقا علي آقف لها وارتجلها
انا لها يوم المواقف صعيبه= امسك عنان السابقه واعقلها
والشعر هاجس والمواقف تجيبه =فكره 0 والبسها من احلى حللها
مايشتكي من باس وانا طبيبه =اكشف مواقف علته واعزلها
سلام منا طاب مضمون طيبه = على الرجال اللي يشرف عملها
جادوا لنا الابطال ماهي غريبه= الله على حسن الطبايع جبلها
بالمنتدى لهم مواقف رهيبه= خدمة قبيله عاش من هو بذلها
عاداتهم اهل الجدود العريبه =مايرتكي لحمولها الا جملها
كلا يريد الطيبه من نصيبه = والطيبه ماتنعطي غير اهلها
والى اعرضت كلا نصيبه يصيبه =يفوز فيها اللي بفعله عقلها
والمدح له جد المواقف ضريبه =ولا كل رجالا وقف واحتملها
ياهل المكارم والصدور الرحيبه =جينا لدعواكم نلبي املها
والدرب لو طالت نراها قريبه = لازم تهون اصعابها مع سهلها
جينا لكم ود الحبيب الحبيبه = غايت مناه الحاجه اللي سألها
والعفو منكم يالرجال البيبه = نفسي ماهي معصومة من زللها

يا ابو كرم


الله يبيّض وجهك انت وأخوياك



ولا يهونوا معازيبكم


البارح كانت من أجمل الليالي ففيها تجلّت

المحبه والموده الى درجة انتي شعرت


انني بين اخو كبير واخو صغير والفارق السن




عوده لهذه الشامحه التي ليست غريبه ان تأتي من شاعر بقامتك



انا لها يوم المواقف صعيبه= امسك عنان السابقه واعقلها

واقول كفو وبشهادة الجميع



سلام منا طاب مضمون طيبه = على الرجال اللي يشرف عملها
جادوا لنا الابطال ماهي غريبه= الله على حسن الطبايع جبلها
بالمنتدى لهم مواقف رهيبه= خدمة قبيله عاش من هو بذلها

الله يبيّض وجيههم وعز الله ما ظلمت نفسك قلت الصحيح



وتبقا هذه الشامخه أكبر وأبلغ من التعليق



صح لسانك وكلك


تحياتي لك وتقديري