قصيدة بندر العتيبي وردي عليها

يا مرحبا ترحيـب ينشـر بالاخبـار=ترحيب من شاعـر تحـرك شعـوره
يا مرحبـا ترحيـب يكتـب بالانـوار=والنور عم المنتـدى فـي حضـوره
اسمك مثل برقـن يبشـر باالامطـار=والقلـب بوجـودك تزايـد سـروره
الطيب بين النـاس ياصاحبـي كـار=واللـي يـزور النـاس لازم تـزوره
هذا محلـك وابتـدى معـك مشـوار=على الوفا والطيـب تكتـب سطـوره
من الفرح رحبت بـك نثـر واشعـار=يامرحبـا باللـي يشـرف حضـوره
==========================================
فيك البقـا والعـز يانسـل الاخيـار=عـادات ربعـك والرجـال مخبـوره
انتم عتيبـه مابهـا ضحـك وهـزار=تاريخكـم فـي نجـد معـروف دوره
قبيلـة عتيبـه لهـا مجـد واذكـار=وسـط الجزيـره والعفـون معثـوره
ملجى الضعيف ومقصد الضيف والجار=مابـه عتيبـي ماينومـس حضـوره
وانا حضرت بجعبتي شعـر واخبـار=ودي اواصـل كـل طـيـب وازوره
شاعر مواقف وانظم بيوت الاشعـار=على هدف ماهـي سوالـف بـزوره

الشاعر الجميل / الكثير


صح لسانك ..


وصح لسان العتيبي .. ونعم فيهم



نصوص جميله .. ومعبره .. وجزاله مطلقه


اسعدني مروري هنا في هذا المتصفح المليء بالشعر


محبتي لكما

أسعد السحيمي

الـطـيـب بـيــن الــنــاس يـاصـاحـبـي كــــار
والـــلـــي يــــــزور الـــنــــاس لازم تـــــــزوره

.

.


شـاعـر مـواقـف وانـظـم بـيــوت الاشـعــار
عــلــى هــــدف مــاهــي ســوالــف بـــــزوره






الله الله عليكم




صح لسانك ولسان بندر


وانت مثل ما قال بندر ولا يهون يشرف حضورك



تحياتي وتقديري للجميع

ابو حمود من الاخر ما عندي غير شي واحد بس

لله درك يا هذا الرجل

ما شاء الله عليك وصح اللسانك وقلبك يا الغالي

تلميذك علي عايش الرقيقيص

*

أبو حمود صح الله لسآنك وطيب فالك وفآل الشاعر بندر العتيبي

صوت جميل وصدى أجمل

والرب أنك مجمل ومشرف في كل مكآن

وطن من الحب لقلبك

ثامر ظميان ردك تذكرة مرور لقصائدي ودليل على نجاحها واظل عاجز عن الثناء على
شخصك الكريم وذوقك الرفيع,,تقبلني اخ وصديق

اسعد السحيمي,,اسعد الله صباحك واسعد الله مساك وشرفني واسعدني معرفتك

محمد عوده القويعاني,,امنيه تحققت وكسبت شوفته ومعرفته وسعيد بمتابعته وتعليقه