ودعتك الله وانتواجه على خير= لاشفت لي فرصه وزانت ضروفي
وان شفت مني ياهوى البال تقصير=ادمح خطاي وخل قلبك عطوفي
ودي معاك اجلس من الصبح لعصير=لكن ضروفي مثل منتي تشوفي
دايم على راسي تهب المعاصير=ولا هبت رياحي تطاير حروفي
مشاكلي معها ورود ومصادير=وان جيت اعاتبها تنقز بلوفي
حطت ايديها مع يدين المقادير=تحالفت هي والزمان العزوفي
وان جيت ابحذر ماتفيد المحاذير=من واقعي مافكني كثر خوفي
الله لا يجزى المخاليق بالخير=اللي سببهم عفت حتى ضعوفي