فالح السميري وعيد السحيمي و { القعود }

الشيخ خلف الفالح السحيمي غني عن التعريف فقد عرف بالكرم واعمال الخير اسأل الله ان يضاعف له اجره وتكون صدقاته ستراً له يوم القيامه من النار
وكذلك اخوانه لايقلون عنه بشئ عسى الله ان يوفق الجميع لكل خير

وقد اهدى علي الشيخ خلف ايام المزايين قعود . وفي احد المرات قابلني عيد فالح وقال الله لو تشوف قعودك مشاء الله صاير كبير
ومنظره يسر قلت دير بالك عليه حتى ينتهي االربيع واجيك له وبعد ماراح ارسلت هذه الأبيات وقد رد عليها بالمثل



\
/





سلام ياللي ان جـاك الضيـف عنـدك لـه
............... ذبــــح الـطـلــي والـمـبـهــر مـــــع تـراحـيـبــه

يفـرحـك فــي لفـيـتـه وايـضــا بـذبـحـك لـــه
............... والــمــال وان قــــل مـاتـحـسـب مـحـاسـيـبـه

ياعـيـد فـالـح طـريــق الـجــود مـــدرك لـــه
............... والـمـرجــلــه والـــوفـــاء والـــعــــز والـطــيــبــه

يـاعـيـد عـنــدك قـعــودي ديـــر بـالــك لــــه
............... حــتــى يــقـــل الـعــشــب يـاعــيــد واجـيــبــه

ياعـيـد فـالــح تـــون وغـــض نـفـسـك لـــه
............... وانـظــر الــــى مـاكـلــه وافــطــن مـشـاريـبـه

وهص الغصون الطريفه دوم وامسك له
............... غصن الشجر لا نظرت الريح تومي به

وخـلـي مـسـاك يتـعـادل مــع صبـاحـك لــه
............... وافطـن عقـاب الظـلام الـلـي عــوى ذيـبـه

حــطــه بـجـنـبـك وخــــل ا لام تــبـــرك لـــــه
............... مابـيـنـكـم مـبـركــه مــــن خـــــوف تـعـذيـبــه

يـاعـيــد درب قــعــودي لا يـصــيــر اكــلـــه
............... تـــــرا بــزيـــن الــطــبــوع يـــزيـــن تــدريــبــه

هــــــذا هـــديـــة كـــريـــم الله يـــبـــارك لـــــــه
............... بـالـلــي وهــبــه الــولــي واوفــــى مطـالـيـبـه

هــذا ابــن فـالـح خـلـف كــلاً مـشـارك لـــه
............... فــي مــدة ايـديـه وايـضـا بــزاد يـقـري بـــه

فـي طـرقـة الخـيـر دوم يبـيـن مسـلـك لــه
............... وكـــم مـسـجـداً شــيــده تـشـهــد مـحـاريـبـه




.........

رد عيد فالح السحيمي




يالله يـالـلــي عـلـيــك الامـــــر والـتـكـلــه
............... يــاواحـــداً كـــــل مــنـــا عــالــمــاً غــيــبــه

يابو عمر من عصاك اليوم عزك له
............... شـــــرواك يـلـزمـنــي الـــبـــي مـطـالـيـبــه

عيـد ابـن فـالـح يــودك مـثـل ودك لــه
............... سـمـي ابـويـه ولــك قــدراً ولـــك هـيـبـه

صقـراً الامـن شـهـر يـازيـن هــدك لــه
............... فـي صيدتـه تعجـبـك ضـربـة مخاليـبـه

بيت الشعر لا ارتجلته زين عدك لـه
............... يونس الى حضر وينومـس اصحيبـه

كـــلام مـثــل الـعـسـل لا شـــك مـانـكـلـه
............... حـامـيـك ربـــي عـــن الـــزلات والـغـيـبـه

شاعـر ومـن نافسـك روح بابـو نكـلـه
............... في بحر شعـرك ياخـذ شرقـاً وتغريبـه

امـا قعـودك ان شفـتـه يعجـبـك شكـلـه
............... مـــــــن غـــاربــــه لـســنــامــه لـعـراقـيــبــه

تــقــول بـنــتــاً جـمـيـلــه رابــطـــه بـكــلــه
............... وتعـيـب واحـــد سـواتــي طـالـعـاً شـيـبـه







.

الله الله الله

صوت وصدى في قمة الروعة
ماشاءالله عليكم يا ابو عمر و يا ابو بندر


و يسرني ان اكون اول من صافح هذا الابداع
صحت السنتكم مدد بلا عدد ..


و تقبلوا خالص احترامي وتقديري .

بسم الله الرحمن الرحيم

اخي الغالي:فالح عايض السمير

والله والف نعم فيكم والله يبارك لك بالقعود ويوفقك

اما القصيد فالجميل لا ياتي الا بالجميل

الف صح لسانك

تقبل تقدير واحترامي

بسم الله الرحمن الرحيم


الأخ فالح السميري ,, الشيخ خلف الفالح السحيمي يفعل وأنت يالأخ فالح عايض السميري تستاهل

والله يعين الأخ عيد فالح على الأمانة حتى يسلمها لك...

تحياتي وتقديري للجميع....

صح لسانك يابو عمر ولسان عيد السحيمي
وخلف الفالح يفعل وانت تستاهل ,,,

صح لسانك يابو عمر وصح لسان عيد الفالح ..