إدعو لي بالفرج

يامحمد إجروحي عطيبات بالحيل

وأنته تنشدني وناأقول لاباس

هما صطابي عزل القلب تعزيل

ياماصبرت ولاتشكيت للناس

ونفسي إمحملها بالأحزان تحميل

عن واقعي من واقعي شيب الراس

أقوم واجلس مالاقدار تبديل

عايش بهم وبين غربه وهوجاس

اليانسيت الصبح ذكرني الليل

همي قتلني والمواريد يباس

عمرالفرح في نظرتي صارتمثيل

وارع الحزن ياسئلي كله إحساس

جور اليالي ذلل النفس تذليل

مليت صبري وطرد الياس بالياس

بنيت حلم وزيف الايام تحصيل

بعض الأماني تمبني مالها ساس

إحتارت إفكاري وش أحط وشيل

الياصرفت اصرف ذهب واصرف الماس

والياحكيت أحكي مع الجدي وسهيل

واليا بديت أبدي على كل نبراس

إمن التجارب عارف العدل والميل

إبدنياعريضه ماله إحدود وقياس

[/sizeالشاعر / مقبل فهد العنزي

اولاً-اسأ ل الله ربي العرش العظيم ان يفرج همك وهم جميع المسلمين والمسلمات
ثانياً-الزم الاستغفار
ثالثا - صح لسانك القصيده رائعه ومعبره وإلى مزيد من الإبداعات الشعرية يامقبل

الله يفرج همك

ولاهنت

الله يفرج همك وهم جميع المسلمبين
عليك بالتوجه يالله بكثر الاستغفار
وصح لسانك علي القصيدة

اسأل الله ان يفرج هم كل مسلم

وصح لسانك يافهد على هذه الأبيات الجميلة

اولاً-اسأ ل الله ربي العرش العظيم ان يفرج همك وهم جميع المسلمين والمسلمات
ثانياً-الزم الاستغفار
ثالثا - صح لسانك القصيده رائعه ومعبره وإلى مزيد من الإبداعات الشعرية يامقبل[/
شروق الامل اشرقت شمسك بالوفاء والمحبه ومرورك على القصيده شرف