OoOبـــــعــــــد مــــــوتـــــــيOoO

بعد موتي

أنثر اوراق شعري فوق قبري ..

بعد موتي

بلل تراب المقابر بالدموع ..

إحضن أطياف الرحيل .. بلا رجوع

سامحني .. حللني .. إذكرني حب ساكن بالضلوع

بعد موتي

إحضر ليلة رحيلي .. شاركهم في غسيلي

لا تغيب علمهم من تكون ..

قول إنك دايما ساكن عيوني

وإنك أعذب جنوني

وإنك إنت اللي قدرت تحتويني ..

وإنك من سكن بأقصى حشاي

إنك أصدق حب عطيته كل وفاي ..

علمهم .. خلهم يتركوني بين إيديك

بس تكفى لا تتركني ..إحضني

بس مره ..حط خدي فوق صدرك

فوق جرحك .. فوق قلبك ..

علمهم كيف عشنا الحب .. آهاته وهمه

كيف ذبنا وإحترقنا ..يوم الوقت قاسي مايهمه ..

علمهم عن الطفله اللي حبتك بجنون

علمهم .. عن قلبها .. عن حسها .. عن روحها

علمهم كم سهرت الليل لعيونك..

علم أبوي عن مكانك بين المحاني

علمه إنك كنت لي أجمل من كل الأماني

علمه إنك أغلى من لقيت ..

وأن كان هذا الحب غلطه

أنت أحلى ما خطيت...

بعدها يا أجمل أيام العذاب

واول وآخر حب عشته في غياب ..

شيل نعشي معاهم للقبور .. وإدفن قلب حبك

مالقى غير الشقى وذاق العذاب بحور ..

بعد موتي

عيش أيامك فرح وسعاده وسرور ..

جعل دنيا إنت فيها تزهر فرحه ونور ..

وإذكرني

وحده حبتك وماتمنت غير لقياك بالحلال

إذكرني

عاشقه كان أقصى أحلامها تنام بخافقك

وحده حبتك موت موت

وافيه بحبها لين ضمها الموت ب سكوت..

كنت لي اطهر حكايه

حب نادر كنت لي حلم وردي

صيفي وبردي...

بعد موتي

أتمنى لك حياه تسعدك

عن كل هم تبعدك

بس عندي لك رجا

مابين قلبك والحشا

حط مكان لي صغير ..

تتذكرني لا قسى

وقتك وهدك هالزمان

يا منبع بحور الحنان .. بستسمحك

راحله انا عن دنيتك .. عن عالمك..

صح لسانك على هالكلمات ويعطيك العافيه