للاخ العضو/ عز الرفيق مع التحيه

السلام عليكم ورحمة الله وبركاته
هذه القصيده للاخ والشاعر/ عبدالكريم سليم الصويدر البلوي طلب من تنزيلها هنا وهي بمناسبة لقاءه مع الاخ / عز الرفيق بمدينة تبوك قبل حوالي اسبوع بعد انقطاع فتره عن بعضهما وقد سلمني القصيده بعد لقاءه مع اخيه عز الرفيق بساعات وحاولت انزلها بنفس الوقت ولكن كان الموقع لايفتح معي وليعذرني ابوعاطف والاخ عز الرفيق على التأخير :

سلام ياعز الرفيق الله يعزك ويحماك=من جور صكات السنين اللي كفا الله شرها
ياالنادر اللي تنعرف مابين ذاك وبين ذاك=معروف عند اللي سكن في بحرها وبرها
الله يسعد لي صباحك ثم يسعد لي مساك=اقولها وافكار راسي كل شي يفرها
الياء ذكرت ابوك حلال المشاكل والشباك=أقف وراجع نفسي اللي كل هم يمرها
عز الرفيق وراعي النخوه لياء صار اشتباك=يعرف مواجيب الرجال وبردها من حرها
عشنا معاه ايام وليالي ولاعشنا معاك=ايام راحت وانتهت لاشك حافظ سرها
ساعة رحيله سالت العبره وصار الارتباك=وحارت بي الاقدام وظروف الحياه تجرها
حاولت اسلي خاطري واقف على ذيك الدكاك=واقف على ذيك الطلال وكل ساع أمرها
أهب ياهذا الدهر مكثر بلاويك وشقاك=تجرح كبود أهل الغلاء وتفرها وتكرها
ياصاحبي خذها حقيقه عندنا زايد غلاك=لا لله درك والقصايد فيك لله درها

الشاعر / عبدالكريم سليم الصويدر البلوي

حزلة من شاعر جزل وستاهل عز الرفيق

يستاهل عز الرفيق

وصح لسان الشاعر

اولا يعـطيك العآفيـه اخـوي / عبدالعـزيز الرموثي ..!

شآكرين ومقـدرين لك نقل هذه القصيده الجميله من شاعر

نـكن له كل الـحب والتقدير والأحترآم ..!


الشآعـر / عبدالكريم صـودير شآعـر جـزل ولا يتفوه سوى بمآهـو

أهل لقرآءته والأستمآع اليـه .. شاعـر كبـير ومخضرم يسطر أبجديآته

بمآء الـذهب وشـآعر له بآع طـويل في ميآدين الجـزآلـه ...!

صـح لسآنـك ابو عآطف مليـون ولا يكـفــون ...!


والأخ / عـز الرفيق .. رجـل بمآتعنيـه الكلمـة يستآهل المدح ويستآهل الثنآء

فـمن يعرف ( ابوسيف ) عـن قرب يؤكـد مصدآقية كلآمي ومن يعـرف ابو عبيد

رحمـة الله يؤكـد كلام ابو عآطف فرحمة الله أسكنه فسيح جنآته ونسأل الله له المرآتب

العليآ من الجنــة ..!

والنعم باالمادح والممدوح والله يغفر لا ابوعبيد ويسكنه فسيح جناته

الاخ عبد الكريم سليم(ابوعاطف)
صح لسانك ولاهنت
والله يرحم والدينا ووالدين الجميع
ابو عبيد الله يرحمه كان يكنلك معزه خاصه ونت تستاهلها
واشكر الاخ عبد العزيز
واقول للاخوان ماعليكم زود
تقبلو تحياتى