الرد على قصيدة الشاعر / رائد محمد السرحاني

الشاعر القادم بقوة الى ساحة الشعر

الشاعر الأنيق عايد السميري

شكراً على هذه اللكلمات التي تروي ذائقة المتلقي

وماشاءالله على ثقافتك يابو زياد

تقبلو كل تقديري

ابداع +ابداع

ابو زياد ماشاء الله عليك رد وافي وكافي


صح السانك مليون


وصح السان رائد السرحاني


لكم ودي وتقديري

الشاعر / سالم محمد أبن عياده


صح بدنك


ووجودك بهذا المتصفح بكل تاكيد يسعدني ويشرفني لكونك شاعر كفو ..


اشكرك

والله ان هذا المتصفح مشرق ومشرّف


لما فيه من الشعر الجزل والابداع


نعم شعر جزل وإبداع اقولها بدون مجامله وبكل تجرّد



فشكراً لرائد الذي احسن الاختيار في اسناد قصيدته


فقد أسند على إستاذ

نعم

فـ

عايد السميري شاعر بدرجة استاذ


ليس لدي الا أن اقول للجميع



شكراً جزيلاً لكم



ولكم التحيه والتقدير

ما اجمل الصوت والصدى هُنا



له نكهته بحق



أطيب المُــنــى ،،

عين الشقاء جابت خبر قلب رجال= وياكم شجيع(ن) لايع الود لاعه
قفى / قفى .. نبكي على صمت الأطلال= على مدار اربع وعشرين ساعه
لا . يارفيقي للعقل حد / وهبال=إنك تحد الفكر صوب التياعه
وتعيش في رجوى الرسايل والأرسال= وقلبك مع الهجمات يخسر دفاعه
ويطيح رجل وتاقف أشباه وأزوال=والحر يُطرح في حمامه خداعه
أخف المواجع وأضحك وقوم وأشتال=حالك : ومركبك المعزه شراعه
وياصاحبي : ماهي سواليف عذال=ولاهي رواية واحد(ن) فيه راعه
هاك الصحيح وخذ من الكيف فنجال=فنجال(ن) لراسك يخفف صداعه
من كف شاعر دايم بيوته إجزال=يسوقهن فكره بقدر وقناعه
اليا أرعدن ياكنهن وقع زلزال=مثل ( تسونامي ) ومثل إقتلاعه
لهل الفتن ، وأهل المعاصي والأنكال=اللي يحسبون المبادي صناعه
اللي نسو منزل تبارك والأنفال = على النبي . والجهل تم إنتزاعه
هذا واقول أقفل ( يارايد ) بالأقفال=على الظنون ووقّف أمر الطباعه
صاحبك ماهمه ولا هو بمهتال=وعنده على قولتك حرز ( ومناعه )
من طحلب الشعر وأنفلونزا الانذال=ومن اللي فايروس ( h 1 ) إبنخاعه
ويعرف مدى الحكاي لن الحكي طال=للجد جد وللكاعه لكاعه
ويعرف قبل لا تقول عن ذيك الأشكال=واللي على هالشاكله / والرعاعه
ولا عليه بقول هلاّل .. لهلال=كل(ن) على كيفه يعقد إجتماعه
راع الثقيله دايم أحموله أثقال=وابو خفيفه لا يغرك إيقاعه
يا لال ..آل ..وأل .. يا أل .. يا لال=هذا مداه وذي نهاية إبداعه
والكلمه اللي داخل الفكر تجتال=عن شبرها يقصر أبو باع باعه
ياعزنا علق جديدات الآمال=وحدث بني جرهم وسمع خزاعه
سولف عن الأفعال دام إن الاقوال=جابت ربيعه في منازل قضاعه
جابت جبال ونزلتها على جبال=وهذرم بها الراعي لراع الزراعه
حلم(ن) به المرضى لقو الف مدخال=والطيب بأهل الطيب ماهو وداعه
وشمس الضحى لا مالت العز منزال=وصدورنا مثل الفجوج الوساعه
في حال / والعايل يبا يجوه عيّال=يامحللين الدربكه والرضاعه
ياللي مثايلكم غدت موقع إشكال=والحقّ . عـليكم مقوم صـراعه
يامطففين الكيل واللي بيكتال=أعطى ولا أوفيتوه والصاع صاعه
لكن على كل حال زلو ولا زال=ضلع المهابه هيبته من أسباعه
ودام إن ( رايد ) ساق قافه على آل= الصدر (ال ) ووقفة العجز آآعه
يامرحبا ترحيب يغني عن المال=ومن طيبه الوجعان ينسى أوجاعه
عن الهجير لطيب النيه إظلال = وعن ظلمة الواقع يقــدي شعاعه
أقولها ولعقدة القول حلال= وكل(ن) بمرجلته ومكسب ذراعه
واسلم سلمت وأنت غالي يارجال= على مدار اربع وعشرين ساعه

* عايد السمــيري

[/QUOTE]



عايد السميري


صح إلسانك

الأخ / عايد السميري



صح لسانك على هالقصيده الجزله ولايهون الأخ/رايد السرحاني

وتقبل مروري،،،،،،

أخوك/ زايد الزبني

الشاعر / زايد الزبني

سعدت وتشرفت بمروركـ

صح بدنكـ

وسلمت ياغالي