الكدش والجيل الثالث

..

هلا بكـ ..


..


اخي الفاضل ابو حمد .. تكلمت لي عن البيت والاسره و المجتمع بأكمله ..



سأبدأ معك من الاسره : طالع حولك .. شوف الان من يربي اولاده تربيه صحيحه ؟ الاب والله مهو داري عياله بأي صف يدرسون والام لا حول لها ولا قوه . ممكن الام تقدر على البنت لكن نادرا ما تقدر الام تغير شي بولدها .. اقلها يفتح الباب و يدج مع اخوياه وين تحصله وقتها والا تبيها تلبس عباتها و تدوره بالشوارع ؟



الاب هو المسئول على كلامك .. لكن اغلب الاباء الان دورهم بالاستراحات و دوري البلوت الا من رحم ربي ..



نجي على المدرسه :


انت شايف وضع المدرسين !! اغلبهم بزرنجيه واقول هذا من واقع .. لا تقول لي اننا بمجتمع ملائكي ..


وين المدرس اللي يقدر بأثر بطلابه الان ؟ بالعكس اغلب المدرسين يرفعون شعار : اللي ما ربوه اهله ما بنربيه احنا ... و الا ان هاوش و انا اقول ( ان ) هاوش المدرس الولد يجيك الولد مستقوي بشلته و مجمع له شلة فزعه .! و يا ليل مطولكـ ..


..


تعال نتكلم عن بعض فئات المجتمع ..





سأبدأ بشيوخنا الافاضل /



وهم من لهم التأثير الاقوى بحكم اننا شعب يقددددددس الشيوخ ولهم كلمة كبيره على حياتنا ( بأسم الدين ) ..


شوف خطب الجمعه اللي يحضرها الاغلب .. بالله هات لي شيخ اثر فيك و جاب لك موضوع هزك من جوى و خلاك تتأثر ؟


كل مواضيعهم بالجمعه مكرره اغلبها : الصلاه / رمضان / الحج .. مواضيع اكل عليها الدهر و شرب .. ونفس الاسطوانه كل مره بل اغلب المصلين يتثاوب ينتظر بس متى يخلص الامام حتى يرجع يكمل نومته !!



.. همسه / شوف مناظرات شيوخنا الان : بين محلل للغناء و محلل للمسيار و ارضاع للكبير و و و





حتى بردود المشايخ على بعضهم البعض : اليوم قرأت في سبق النجيمي يقول للكلباني ( كذبت ) و و و ما ابي ادخل بكلام ماله داعي : )

.. اتمنى منك تفتح سبق و تشوف الموضوع .. عن جد مسخره ..







بالنسبه لسؤالكـ : المظهر الذي اريده لاخي هو ان يلبس و يفعل ما يريد فهو حر ( (اذا الاسلام كفل له الحريه .. بأي حق اصادر عنه الحريه ؟؟)




.. هاه تبي نكمل ؟









<< نفسي طوووويل




..


..