سعد بن هويضل السهلي
والله والنعم فيك
وصح لسانك ولاهنت ,,
ودي لك
بسم الله الرحمن الرحيم
السلام عليكم ورحمة الله وبركاته
هذه قصيده رد على قصيدة الشاعر عبد الله بن محمود البلوي التي وجهها الى قبيلة السهول وخص بها المحلف والشيخ جلعود بن لافي
وأتمنى ان ترتقي هذه القصيدة لمستوى قصيدة الشاعر عبدالله البلوي
اقول
بـســم الله ابـــدا وابــتــدي والله عـلـيــه الاتــكــال*** واخـيـر مــا يـبــدا بـــه المـسـلـم حـــروف البسـمـلـه
سبحان مـن لا يبـدع ابداعـه بشـر فـي كـل حـال*** وسبحـان مـن بيديـه ملـك الارض والـلـي تحمـلـه
جل وتعالى اسمه ووصفه من ورى وصف الخيال*** لــرضـــاه كـــــل الـمـسـلـمـيـن مـسـبــحــه ومــــــهلله
والشـعـر فنـجـال(ن) نسـوقـه يـــم ذربـيــن الـفـعـال*** أهــل الشجـاعـه والـكـرم وأهــل الـوفـا والمرجـلـه
نرفع لك الرايه يابـن محمـود فـي روس الجبـال ***يالـلـي تخـيـرت الـكـلام الـزيـن وآخـــذت اجـزلــه
يـا مرحـبـا يـابـن بـلـي مـنـي عــدد وبــل الخـيـال*** لاهــل وبـلـه وانتـثـر واسـقــى الـفـيـاض الممـحـلـه
واعــداد مــا تسـطـع نـجـوم اللـيـل ويـهـل الـهـلال ***واعـداد مـن طـاف وسعـى بالبيـت والحـج اكملـه
واعـداد مـا يشـرق شعـاع الشمـس ويميـل الظـلال*** واعــداد مــا تــذرى الهـبـوب المجنـبـه والمشمـلـه
والـطـيـب خـصـلـه بـالـرجـال الطيـبـيـن ولا يـــزال*** والله يـبـيـض وجـــه مــــن لا مــــر ذكــــره جـمـلــه
والنـعـم فيـكـم يـــا بـلــي يـــوم المـهـمـات الـثـقـال*** يــوم انـهـا بـيــن القـبـايـل كـــل يـــوم(ن) مشـكـلـه
انـتـم هــل الخـيـل الاصـايـل مــا تهـابـون القـتـال*** لا ثـــار عــــج الـخـيــل بــيــن المـقـفـيـه والمـقـبـلـه
عــدوكــم مــــا يــذكــر إلا الــمــوت ولا الاعـتـقــال*** لا شـــاف ضـــرب سيـوفـكـم نـــوخ بـعـيـره واعـقـلـه
وفارسكـم اليـا قـام يــوم الـحـرب واشـتـد الحـبـال*** مــا ترتـعـد رجـلــه وقـلـبـه مـــا يـجــي فـيــه ازمـلــه
واللـي دخـل بوجيهكـم مافـيـه ممـكـن واحتـمـال*** يـسـلــم بـعـمــره دام عــمــره بـاقـيــاً فــيــه امـهــلــه
وانتم هل النخـوه ليـا شـان الزمـن والحمـل مـال*** خويـكـم يحـشـم عـــن الـزلــه ولا حـــد(ن) يـزعـلـه
وانتم ليا جـاء الضيـف يلقـى عندكـم زيـن القبـال*** عـلــى الـشـحـم والـعــود الازرق والـــدلال مـهـيـلـه
وانتـم هـل الفزعـات والطـولات وافـيـن الخـصـال*** وقـفـاتـكـم تـبـقــى عــلــى مــــر الـعـصــور مـسـجـلــه
والطيـب فيكـم يـا بلـي زرع(ن) شرابـه مــن زلال*** زرع(ن) مــراويــح الـحـيــا دايــــم عـلـيــه مـــــظلله
نفخـر بفعـل الطيـب اللـي لا ارتكـا للحمـل شــال*** ولا فـعـلـنـا الـطـيــب غــيــر بــواحــد(ن) يسـتـاهـلـه
عـاداتـنـا فـعــل الـجـمـيـل ولا نــــدور لــــه بــــدال*** نـرمــي وفـانــا فـــي بـحــر ونـصــد عــنــه ونـجـهـلـه
والضيـف نكـرم جيتـه مـا نحسـب حـسـاب الـريـال*** والـــجــــار نـــرفــــا زلــــتــــه ونــكـــرمـــه ونــــــدللــه
وخويـنـا نـرخـص لــه الغـالـي بـحـل(ن) وارتـحـال*** فـــي خـوتــه لــــو طــالــت الايــــام مــــا نسـتـبـدلـه
حنا السهول اهل الوفا ما هيب اقاويـل(ن) تقـال*** يـشـهـد لـنــا الـتـاريـخ واحـــداث الــزمــان الاولــــه
وختامهـا منـي عـدد مـا لاح بـرق(ن) فــي خـيـال*** صـلـو عـلــى مـحـمـد رســـول الله رفـيــع المـنـزلـه
الشاعر/سعد بن هويضل السهلي
سعد بن هويضل السهلي
والله والنعم فيك
وصح لسانك ولاهنت ,,
ودي لك
اخوي سعود السحيمي
شكرا على تعليقك و مرورك الطيب
صح لسانك يالذيب .. وصح لسان الشاعر العذب / سعد بن هويضل السهلي
.
وأنا محمل بأمانه من الشاعر عبدالله محمود المعيقلي البلوي ..
ويبلغكم تحياته وشكرهـ
.
ومهما كتب من قصائد شعرية فهي لن توفي حقكم ومقداركم أكبر وأجل
.
وبلي والسهول عينين براس ..
.
وتحية خاصة للشاعر الكبير : سعد بن هويضل السهلي
.
وألف شكر
.
سبحآن الله وبحمدهـ
-
سبحآن الله العظيم
.
هديه جميله كلماتها رائعه
من شاعر مبدع ومتميز
والشاعر عبدالله وقبيلة بلي تستاهل كل طيب
مشكوووووووووور صح لسانك
والله يعطيك العافيه
جزل ياسعد
أنعم وأكرم فيك وفي ربعك السهول
.
اللهّم أغفر لأبي وأسكنه فسيح جنّاتك : (
@yasser_almqbli
الذين يشاهدون الموضوع الآن: 1 (0 من الأعضاء و 1 زائر)
المفضلات