رأيكم - بمنع مكبرات الصوت برمضان

والله متم نوره

أمر لا يمكن أن يتم
اللي مايبغى يسمع يسكر أذانه
لكن المسلمين ينتظرون رمضان ليعشوا روحانيته
تحياااتي أبو حمد

اكيد ضده
تحس رمضان كأي شهر
والله هُزلت

كلكم رأي واحد !!

اجل انا بعارض

نبدأ نحرر المسألة وبالله الاستعانه :

هل كانت مكبرات الصوت موجوده على زمن النبي صلى الله عليه وسلم ؟ .. لا
في زمن الصحابه ؟ .. لا
في زمن التابعين ؟ .. لا

يا هوووه

طيب في اتباع التابعين .. ؟ .. ابدا
واللي بعدهم طيب .. ؟ لله
وايام ابن تيمية ؟ .. نيفر
مرة مرة ؟ .. مرة مرة < للتأكيد

" خير القرون قرني ثم الذين يلونهم .. " الحديث

طيب وش الفايده من مكبرات الصوت ؟ .. الناس تسمع
وان قلنا خلوها على الاذان " الاعلام بدخول وقت الصلاة " .. والاقامه ؟ مثل ما هو صاير في كثير من مساجد القصيم ؟ وبالذااااات مسجد الشيخ ابن عثيمين الله يرحمه ؟ .. لانه بعد الاذان يصير الصوت داخلي فقط

الحين باطلع اصلي وارجع اكمل ردي

برب

باك عدنا

نكمل الرد ونقول


في مساجد كثير في الرياض والقصيم .. ولاحظوا اني قلت كثير وما قلت اكثر .. يستخدمون المكبرات للاذان والاقامه

واذا صلت الناس يكون الصوت داخل المسجد

وبصراحه انا اعتبر هالشيء هو الاصل .. والصح .. لان المساجد قريبة من بعض .. واذا كل مسجد في مكبر بتدخل الاصوات مع بعض

ومن الطرائف .. اذكر ان في امام في تبوك كان يصلي .. وهو يقرأ سمع قراءة امام في مسجد ثاني .. وشطح بالقراءة .. صار يقرأ السورة اللي يقراها الشيخ الثاني

ويذكرون قصة .. يقولون ان في امام كان يصلي .. وفي امام ثاني في مسجد قريب .. الامام الثاني اخطأ بالقراءة .. والامام الاول يعدل له ههههه

يعني باختصار افضضضضضل اننا نبقى على الاصل وهو بدون مكبرات الصوت

والاخوان اللي يقولون وشو رمضان بدون تراويح .. مثل اللي يقول وشو رمضان بدون طاش ما طاش

وكأن رمضان صوت المساجد .. وهو تلقاه يلعب كورة بدوري الحواري

ياااا جماعه خلوكم اشوي متفتحين .. فكروا على مدى اطول واوسع .. اما يجيني واحد يتخيل شكل رمضان مو مثل اول ويقول لا خلوا كل شيء على ما هو عليه .. هذا نقول له رح نم

وسلامتكم

لا اعتقد ذلك


ربمى تكون اشااااعه

اخي حامد اتوقع انها نكته من النكت المزعجه
من افتى بهذه النكته ؟؟؟؟؟ لعلهم يقلدون الاحياء المسيحية ببعض الدول العربية التي يمنعون الميكرفونات الخارجية اسوة بالكنائس 0 الله المستعان لقد هزلت 0 لاسمع ولاطاعة لمن امر بهذا
اما رائيي اتمنى ان لاتراقبني وتحذف مشـــــــــــــــــــــــــــــــــــــا ركـــــــــــــاتي