الشاعر : اعمى / والبنت : طرشا

بسم الله ابدا ولكـن مـن حيـث تبـدا النهايـة=واحمد واسبِّح واصلّـي علـى شفيـع البريّـة
ثـمَّ السـلامُ عليـكـم ورحمـتـه والهـدايـة=ثـمَّ المـلامُ عليّـه لاجـيـت مـافـي يـديّـه
ياليل / يابرجـي العالـي / ياهـواي وسمايَـه=يانجم طاحت جنـون الكهَّـان فـي كـل ضيّـه
ياورد*/ يابرد / ياقرْس / ياخَرْس / يا (يا) ندايَه=هبّت جنـون الشقـاوي والنـار شبَـت بمَيّـه
ياهم / يامال / ياعم / ياخال / يا امّـي وابايَـه=ياربـعـي ويـاديـاري يامـالـي وماعلـيّـه
لو توبتـي ماتخسّـر كفَّـة غرامـي وشقايـه=وش ذنبي ونزعـة الإجـرام بجروحـي قويّـة
مـن مايحـب البنـات ومـن مالعينـه هوايـة= ..............................؛
أقـــــــــول ..............................=اللـي يأجِّـل خصامـه تبـرد عليـه القضيَّـة
ابا اقطع الحبر الازرق وابا انتهي مـن البدايَـة=الحبـر الاحمـر مشقَّـا وانـا عيونـي شقيّـة
الشاعر : أعمى ويسمـع بالراويـة والروايـة=والبنت : طرشا وزاغت في قافي بحسـن نيّـة
حطَّ الولـد لـه ضريبـة والقـوم كـلٍّ برايَـه=واللي رمـى ماتوقَّـع إن الطَلَـق لـه شضيّـة
واللـي بجيبـه ذخيـره يُركـز بهـا للرمايـة=وانتي نواظرك جَرْدَا وانـا اشهـد انّـك ذكيّـة
لكن ليا ضاق بالـك , يامـا حجيتـك (حجَايَـة)=قبـل انفجـار الـرؤوس برمياتـك الطائشيّـة
ياماحجيتك عن اللـي عـنَّ الأسـد فـي يدايَـه=لمّا اوشك السيف يُسرق من غفلتيـه العصيّـة
خاض الزمان وتحـدّر نـون ايمنـه بالمرايـة=حتى اصبحت في شماله يمنى الريـاح الصبيّـة
له بالهلل: ياهـلا/ والخبـز المكسّـر :غوايـة=حتّى غزى وجهـه الدَيـن وشاورتـه المنيّـة؟

* ورد : الجبل المعروف

نص يعانق الغمام



محبتي لك

سلطان القنيدي

شاعر واضح ,, مجهول .. قريب.. بعيد

مهندس .. فيلسوف على اصول..

يطوع مطايا الشعر كيفما يشا

يعجبني غموضه.. وكذلك هو وشعره

الشاعر / سلطان البوي

صح لسانك ولاهنت يالغلا

تصدق من شوى كنت اقراها بالديون ,

ودي لك

سعود السحيمي ألف شكر لك على الحضور الكريم

لاهنت ياطيب

وصح بدنك

ياهم / يامال / ياعم / ياخال / يا امّـي وابايَـه

ياربـعـي ويـاديـاري يامـالـي وماعلـيّـه

لو توبتـي ماتخسّـر كفَّـة غرامـي وشقايـه

وش ذنبي ونزعـة الإجـرام بجروحـي قويّـة

نص شاعري رائع

سلطان البوي صح لسانك

ننتظر الجديد من الابداع


وهاهو يتجدد هنا


ولكن لازلنا نطمع بالمزيد

الصديق الغالي / سلطان البوي ..
لك الأدب ولك الذوق فأنت تمتلك المكان أدب وتمتلك المكان .. ذوق أنت ذوووق ..