خيالة بلي مزحهاااا ثقيييييييييل
السلام عليكم ورحمة الله وبركاته
مراااااحب أعضاء منتدى بلي
رمضان كريم وكل عام وانتم لله أقرب
موضوعي بديت افكر فيه بعد عدة مواقف مع الوالد والوالده " الله يحفظهم "
مواقف كلها مزح بمزح بس والله إني بديت افكر فيها وأعيد الأمور وأوقول بنفسي " ياخيالة والله إنها من العقوق " مع إن ابوي يضحك منها ,,,, مالكم بالطويله ...... اختصر المواقف وانتم احكموا
قبل شهر تقريبا جالسه العصر أنا وابوي وامي نتقهوى ونسولف المهم جتني وحده من خواتي وبعد ماتقهوت همست لي بإذني انا مسافره بكرة ,, اشوي وإلا تلقف وتتحداني وتقول : خيالة والله لو تخلين ابوي يقهويك لأجيب لك هديه انتي تختارينها .. " عاد اختكم بالله ماصدقت " بس والله من باب الدعابة ,, وجلست اناظر بابوي واقول بنفسي يارب كيف ؟ كيف ؟ والحقيقة كبرت بخاطري اقول له حتى لو مزح .. قامت اختي من عندنا واستغليت الفرصه وقلت لأبوي السالفة : قال بس هذي السالفة .. واله ياوليدي لو قلت لي قدامها لقهويك .. بعد ماجت أختي المصونه شوي وإلا اقول لأبوي بالله يبه قهوني .. طبعأابو الشباب أخذ الفنجان وقهواني ..
أختي مامشت عليها السالفة بس لأنها تحدتني وماتقدر ترجع بكلمتها وحصلت خيالة على الهدية .. وهقتهاااا
الموقف الثاني مع أمي وهي أول مانزلت العدسات اللاصقه شريتها وأنا راجعه من السوق لبستها بعين وحده بس وكانت رمااادي فاتح جايه لأمي اصيح يمه الكلوركس انكب بعيني وقلبها طبعاً مو سذاجه من امي لكن فجعها الموضوع وفتحت عيني وصرخت .. لحظتها قعدت اضحك بالرغم من ان هذا موقف قدييييييييييييم جداً لكن فجيعتها اثرت فيني ..
وأخرها قبل يومين رحنا صلاة التراويح ويوم طلعنا من المسجد ركبت امي السيارة وقفلت الباب بقووووة علق الوالد وقال كل هذي قفله طبعا إحنا مع اخوي وشطحت خيالة بمزحه وقلت هههههه تحسبينها جيب ابوي هههههه
بالرغم من أن الوالد ضحك من كلمتي إلا إني لمت نفسي كثيراً
وأحاول اطمن نفسي واقوووووووووول كله مزح في مزح
ولكن لا نجهل إن هناك أسلو ب وتأدب بالمزاح وخاااصة معهم نور العيون
· / برأيكم هل مزحي ثقييييييييييل ؟ " الإجابه إجباري "
· / ماهي اساليب المزاح والتأدب مع الوالدين بالمزاح من وجهة نظركم ؟
· / أرى إنه لا بد من تلطيف الجو معهم وإدخال روح الدعابة بينهم . هل لها برأيكم ضوابط ؟
وأنا شكلي بخففها عليهم شوي
آسفه للإطالة
احترامي
أختكم / خيالة بلي
المفضلات