فلت بنتي الله يفلته

كنت جالس بالمحكمه قبل كم اسبوع

في صالة الانتظار

ولفت انتباهي شايب في الستينات من عمره
صوته مرتفع وضغطه مرتفع ، جاه شاب وحاول يسلم عليه
ويقول كيفك ياعم
لكن الشايب كسحه أمام الناس
،،،،
قدر الله علي ان يجلس الشايب جنبي وبعد مرور ربع ساعة تقريبا
والشايب يتمتم بكلمات تبين لي انها مسبه

خفت الزحمه قليلا
وقلت للشايب سلامات ياعم اشوفك زعلان
لعل وعسى أقدر افيده


قال شفت الشاب هذاك يا ولدي قلت ايوه شفته

قال هذا زوج بنتي الله لا يوفقه
قلت استغفر الله يا عم لا تدعي عليه

قال والله يا ولدي جاني يخطب بنتي قبل سنتين وكان
مثل الحمل الوديع وانه صاحب دين ،،،، الخ
وانه راح يحافظ على بنتي
وبما انه من الجماعه واهله اعرفهم

زوجته بنتي
وهي حافظه 9 أجزء من القرآن
وحافظه اكثر من مئة حديث
ولا عمرها والله ياولدي خاطبت رجل اجنبي بحياتها
ولا تلبس الا ملابس ساتره
ولا تتفرج على التلفاز
ولا تطلع الا بجونتي وشراب ،، تعبت بتربيتها يا وليدي


ويوم تزوجها هالخايس
الان تلبس بناطيل
وتلبس عريان
وتلبس نقاب
وبدون جونتي وشراب
وحفظها للقرآن كله طار
وعندها انترنت بالبيت بدون رقيب ولا حسيب
وعندها دش فيه كل القنوات
ومخليها على راحتها

وأنا وأمها لنا سنتين نحاول نعدل الوضع
من خلال زياراتنا لهم بالبيت
وكان البنت تقول ما لكم دخل زوجي راضي


وانا اشتكيته للمحكمه اكثر من اربع مرات
واليوم الخامسه
لكن والله لا اخلع بنتي منه وانا ابوها والغلطه غلطتي

بعد ما حكى لي السالفه
قلت الله يقويك
ولزمت الصمت ارتفع ظغطي انا معاه

وجاء دور جلسة الشايب وزوج بنته
ودخلوا عند الشيخ وهو
يردد ( فلت بنتي الله يفلته )


لا حول ولا قوة الا بالله

طبعاً هذه السالفه حكاها لي جاري وهو من ناقش ذلك
الرجل الكبير بالسن





آرائكم حول هذا الأمر

ابوحمد جبت الغايبه والله يخوفي ان بيشن عليك هجوم جو جو وارض ارض لكن الله يقويك
مرور لقول السلام عليكم ورحمة الله وبركاته
لي عوده بصوريخ جو/ جو
تقبل مروري

لاحول ولاقوة الا بالله

للاسف ياأبو حمد البعض يظن أن الحرية هي لبس زوجته للنقاب والبناطيل في السوق

ويحب يكشخ فيها قدام الناس <<لاعلاقة للرجوله فيه ماكل لحم خنزير الله لايبلانا

وصدقني بكره زوجها هو اللي يدفع الثمن لما يفتحها على أمور لم يكن يتوقعها

مثل الدش والحرريه المطلقه للزوجه

ومااقول الا اخذها اللي مايستاهلها كانت مثل الجوهره بين ايديه وضيعها حسبي الله علية

مسكين مايدري انها كنز وين يلاقي انسانه محافظة على دينها وأخلاقها وتصون بيته

وأبنائه في حضورة وفي غيابة

المرأه جنتها بيتها بغض النظر عن توافه الامور

وبصراحه أنا بشطح بشي قاهرني من زمان وش سالفة بعض المتزوجين بالسوق

الكتف على الكتف واليد باليد شوي الا يحضنون بعض قدام الناس يعني كذا هم اتيكيت.؟

وبالبيت هواش وملعنة خير ولعاين هههههههههه<<مايقدر يصبر الا يخربها


أبو حمد موضوع في غاية الروعه تسلم يالغالي

والله ينصر الشايب عليهم

ابوحمد جبت الغايبه والله يخوفي ان بيشن عليك هجوم جو جو وارض ارض لكن الله يقويك
مرور لقول السلام عليكم ورحمة الله وبركاته
لي عوده بصوريخ جو/ جو
تقبل مروري

حياك الله ابو بدر

وأنا نقلت لكم معاناة والد تعب في تربية بنته
وفلتها زوجها

لنخرج بفائده

وفقك الله وننتظر ردك

لاحول ولاقوة الا بالله

للاسف ياأبو حمد البعض يظن أن الحرية هي لبس زوجته للنقاب والبناطيل في السوق

ويحب يكشخ فيها قدام الناس <<لاعلاقة للرجوله فيه ماكل لحم خنزير الله لايبلانا

وصدقني بكره زوجها هو اللي يدفع الثمن لما يفتحها على أمور لم يكن يتوقعها

مثل الدش والحرريه المطلقه للزوجه

ومااقول الا اخذها اللي مايستاهلها كانت مثل الجوهره بين ايديه وضيعها حسبي الله علية

مسكين مايدري انها كنز وين يلاقي انسانه محافظة على دينها وأخلاقها وتصون بيته

وأبنائه في حضورة وفي غيابة

المرأه جنتها بيتها بغض النظر عن توافه الامور

وبصراحه أنا بشطح بشي قاهرني من زمان وش سالفة بعض المتزوجين بالسوق

الكتف على الكتف واليد باليد شوي الا يحضنون بعض قدام الناس يعني كذا هم اتيكيت.؟

وبالبيت هواش وملعنة خير ولعاين هههههههههه<<مايقدر يصبر الا يخربها


أبو حمد موضوع في غاية الروعه تسلم يالغالي

والله ينصر الشايب عليهم

هلا سلطان
،،،،
الله يستر على بناتنا وبنات المسلمين
ويحفظهن من التفلت

وبالنسبة لزوج الكناري اللي قالبينها قيس وليلى
في السوق
هذه ثقافة المسلسلات


طابت اوقاتك
وشكرا لمرورك

ابو حمد والله انا من رايي ان الشايب لو ارتاح افضل له,,,
يعني يخرب بيت بنته لجل يعدلها ؟؟؟
من السبع مستحيلات ,,,,
المفروض ينصحها بالحسنى وهي في بيت زوجها
وانا اتوقع ان الزوج ماطين على راسه ,,,

والله اللي ماتعدل نفسها مهما كانت الرقابه عليها
الا تسوي اللي تبي ,,,,
الله يصلح الحال ,,,
,,,,,,,,,,,,
موضوع حواري رائع بروعة كاتبه,,,
الف شكر,,,