أنانيه الرجل

ذكرتوني بالشيخ المطلق الله يشفيه يقول مره أتصلت فيني حرمه وتقول ياشيخ زوجي مايصرف علي وزوجي بخيل وزوجي وزوجي وقامت تسب فيه
قال الشيخ طيب من يجيب لكم أغراض البيت قالت : زوجي
قال :من يجيب لكم ملابسكم
قالت: زوجي
وهو يسأل
وهي تقول زوجي
قال وإنتي ماتقولي إنه مايصرف عليك
المهم النهايه إنها تبي فلووووس
والله إنكم يالحريم ماأنتن بسيطات
الرجال دايمآ رايح فيها
يحصل من السب وهو غافل
كل حرمه تحرض الثانيه على زوجها
وترى بعض الحريم يسبن أزواجهن عند البنات عشان البنت ماتفكر فيهم

مشكوره أختي على طرح الموضوع
‏

السلام عليكم ورحمة الله وبركاته

الموضوع الي حبيت اناقشكم فيه موضوع جداا مهم وهو (انانية الرجل)

اتمنى الكل يتفاعل معي وخصوصا الرجال ،
شي معروف عن الرجل انه اناني اكيد بتسالوني ليه؟
الي ابيكم تعرفونه انه فعلا اناني وانا مستعده اثبت لكم صحيح ماعندي تجارب بالحياة بس من الي حولي لاحظت ان الرجل يحب نفسه بالدرجه الاولى وعلشان اثبت لكم هالشي بطرح عليكم اسئله وجابوا اتفقنا"

اول شي/.ليه الرجل لما يكون عقيم يتمسك بمرته ويحاول يعوضها ويرضيها باي شكل بس لما يكون العيب فيها على طول يدور عالثانيه؟
ثانيا/ليه الرجل لو لقدر الله وصار في المراه مرض خطير مثل السرطان او غيره فكر بغيرها بس هي تضل معه وتدعمه نفسيا ومعنويا ؟
ثالثا/ليه الرجل اذا خان زوجته ممكن تسامحه بس هو مستحيل حتى لو كان يموت عليها؟
رابعا/ليه الرجل لما تكون المراه متفوقه عليه في العمل او المستوى التعليمي يتعمد ينكد عليها او يحطمها بس لو العكس المراه تدعمه وتفتخر فيه؟
خامسا/ليه الرجل من حقه يهاوش ويصارخ ويفجر الطاقه الي عنده والمراه مجرد ماترفع صوتهامصيبه بالنسبه له؟
ليه من حقه يفتش بجوالها ويسالها عن صديقاتها بس هي لا وياويلها اذا تدخلت في شي خصوصا اصدقاءه؟
ليه الرجل لما هو يحب عادي بس لما يدري ان اخته تحب يقوم الدنيا ويقعدها ليه حلال عليه وحرام على غيره ليه الي يشوفه غلط مايشوفه غلط عليه وعليها ؟
ابفهم ليه حررررررررام علينا اشياء كثيره بس هم حلال عليهم؟

ليه ؟وليه ؟وليه؟ اشياء كثيره وماخفي كان اعظم؟
طبعا انا ماجبت شي ماعندي لا,انا شفت اشخاص مروا بكل هالاشياء ومقربين مني بس مااقدر اقولكم عن تجاربهم لانها خصوصيات بس الي اتمناه انكم تفيدوني وتتجابون معي"
انتظر ردودكم واتمنى تفاعلكم ودمتم بود وتحياتي لكم

منقول لعيونكم

أختنا في الجنان نلتقي منذ خلق الله آدم وحواء والرجل هوصاحب (القوامه)
ثانيا / وأيضا جاء ذلك في كلام ربنا عزوجل في محكم التنزيل
ثالثا / المرأه لها حقوق في الشرع وفق شروط وأنظمه تلتزم بها
موضوعك شاسع ولايمكن مناقشته مرة واحده بل يحتاج للكثير من الأسطر

أخيرا / ليش ماتقولين المرأه أيضا (أنانيه)لأنها لاتقبل أن يتزوج زوجها إمرأة أخرى ولا تبرر ذلك على أنها ( الغيره)