قـصـيـده الـعـنـزي بالـمـظـهـر,,,,,,,,,

السلام عليكم ورحمه الله وبركاته

اقدم لكم هذه القصيده وهي للشاعر/رجاء مناور الربيلي العنزي

وألقيت هالقصيده قبل سنتين عند حضور الشاعر واقربائه في منزل المغفور له بأذن

الله تعالى الشيخ/سنيان بن علي بن مظهر

وأقدمها لكم اليوم في ليله الجمعه في هذا الشهر الفضيل طمعا في كل

من مر من هنا

دعوه للفقيد بالرحمه والمغفره,,,, نسأل الله سبحانه تعالى ان

يتغمده بواسع رحمته

السالم والجمعان نعم السلاله___ابناء فزع ذربين الايمان واكرام

فيهم صلابه رأي فيهم جزاله___قوما عوايدهم يضدون الاخصام

يوم اللقاء والهوش فيهم صعاله___رجالهم في ساعه الحرب مقدام

ياجيدهم شجعان في كل قاله____أن جاء نهارا فيه عركات وزحام

يحلفون اللي بقلبه دغاله___ياشوق من بخدودها دق الاوشام

والطيب فيهم والكرم والرجاله___مع النباء اللي يشرح البال بشمام

خويهم والجار محدن يناله___طلابهم مايدرك القصد لو زام

من دونهم حدب السيوف النحاله___اللي يقصن عوج الارقاب ياغلام

والمظهر اهل المرجله والشكاله___وافين في كل المواجيب وحشام

أشيوخ ماعن مشيختهم جهاله___ماهي جديده توها من امس والعام

أن جاء نهار الكون فيهم بساله___يوم البنادق صوتهن يرزم ارزام

صميد عيه كاسبين النفاله___أقسامهم بالطيب من خير الأقسام

علي ابن مهنا شيخ والمجد ناله___عطب الضرايب يوم هي عج وكتام

عقيد ضاري للسرا والدلاله___ذيب الغداري يسري الليل مانام

يوم الحرايب كل مقصود طاله ___فوق النضا اللي يقطعن كل مخرام

وانتم على طريقته ياعياله___لو الدعاوي مثلها ذيك الايام

عدوكم بالحرب ياشين فاله___نهاره اسود وان هرب قلت مايلام

أما الصديق مكرمين سباله___في كل وقت وهو على خير مايرام

واللي يضده حالت البؤس حاله___متعرضن لاأكبر خطر يابن الاكرام

مستدخلا سوء البلا في طحاله___شم الفتيل وشاح بالرجل درهام

مايلتفت منحاش مشدوه باله___عاف المراجل كلها شاف عزام

يأهل الوفاء ياطيبين الأصاله___من ساسكم وافين في رد الاعلام

سنيان شيخ أوافياتن خصاله ___رجل كريم وباللقاء تقل ضرغام

حلحيل في كل الامور الثقاله___اللي تكيد العارفه واهل الاقلام

يحلها في حكمته واحتياله___يسقط على الحل المناسب ليا قام

وأخوه مثله شيخ كلن دراله___عبدربه اللي للمعادين لطام

كريم للجيران واللي عناله___فهيم في كل الدعاوي والاحكام

ينظر بعيد ليا طرا ماطراله___ماهو من اللي نظرته تحت الاقدام

ياأخوان كسبه بالقسا والسهاله___لكم على العليا شهادات ووسام

انتم هل الميقاف واهل الجماله___غصبا على اللي داخله شك واوهام

الطيب فيكم ساس ماهو دخاله___متوارثينه من قديمات الايام

وصلو على محمد رسول العداله___عداد من زار الحرم لا بس أحرام

طبعا القصيده موثقه بمقطع فيديو وشيله بصوت الشاعر واعتذر منكم لوجود المرحوم في المقطع

امل منكم الدعوه للمرحوم بالرحمه والمغفره وشكرا لكم,,,,

قدمها لكم اخوكم/علي عبدربه بن مظهر

تحيه من صميم القلب
للشاعر/رجاء مناور الربيلي العنزي
على هالأبيااااااااات التي عانقت السحااااب بجزالتهااااااااا
والف نعم بالماادح والممدوووووح وبالقبايل كلهاااااااا,,,
علي عبدريه بن مظهر هلاً بك وسلمت وسلم نقلك وصح لسان الشاعر
العذب ,,,,
ونسأل الله العلي العظيم أن يتغمد الخاااال سنياااان برحمته
ويسكنه الفردوس الأعلى من الجنه ,,,

الف شكر

الشيخ /سنيان بن علي بن مظهر . فقيده على بلي كافه اساٌل الله ان يرحمه رحمة واسعه وان يسكنه فسيح جناته

وصح السان الشاعر رجاء العنزي

الشيخ /سنيان بن علي بن مظهر . فقيده على بلي كافه اساٌل الله ان يرحمه رحمة واسعه وان يسكنه فسيح جناته

وصح السان الشاعر رجاء العنزي

الله يرحمه الشيخ سنيان

وصح لسان الشاعر

أشكرك أخي / علي بن عبدربة بن مظهر على إظهار هذة القصيدة للنور والتي من ضمن قصائد كثيرة في تعديد مناقب المغفور لة بإذن الله / المرحوم . الشيخ / سنيان بن علي بن مظهر . ( فقيد بلي) (وفقيد الكرم والجود) رحم الله عمي رحمة واسعة وجعل قبرة روضة من رياض الجنة. آمين يارب العالمين . وصح الله لسان الشاعر الربيلي .وهنا اتذكر بيت يؤكد ماقيل :
وانص الربوع اللي لهم باللقا شان الربعة اللي مدهلٍ مجتمعها
المظهر اللي يوم طولات الأيمان ياكم قوم(ن) تشتكي من وجعها
تقبل مروري / أخي علي . وشكراً على الموضوع . وإلى الأمام.

سعود عقيل بن مظهر
.
.
.
.
جزاك الله كل خير ونسأل الله سبحانه وتعالى ان لايريكم مكروه