حق مشروع

السلام عليكم ورحمة الله وبركاته



من العايدين


وكل عام وانتم و كافة المسلمين بخير وعز وسعاده ورضى من الله


أما بعد


تمنيت أن لم تكن لهذا النص مناسبه أكتبه بها بألم ..


تشاركوني جميعاً كل تفاصيله قبل وبعد القراءه



.

.

.

حرقه .. ألم .. ضيقه .. تنهات .. ودموع=لا مستحي منها .. ولاني مرائي ..!
هذي ملامح حال .. ما هو بمصنوع=يعكس حقايق .. واقعي .. وانتمائي
مخفيه .. تِقْل إنه من النشر ممنوع ..!=ومكدّس أوجاعه بخانة .. مسائي..
ما تسمن الشكوى .. ولا تفك من جوع=إلا على ربي ... وهذا رجائي
وأنا عن الواجب .. مقيّد ومدفوع=وأحس مثل .. الانفصام .. بولائي
الدين عنه الذود .. لي حق مشروع=لكن على قول المثل .. صرت مائي
إنسان لا مرئي .. ولاني بمسموع=عايش على الهامش .. ضعيف انطوائي
على كتاب الله .. في هذا الأسبوع .. =تجرءا اللي ما حسب .. لازدرائي ..!
خبيث تكرم عنه .. فاره وجربوع=لكن تحدّانا .. الكلام النهائي ..!
يا أمة المليار .. حِسبه ومجموع=السالفه .. ما هي بذمة روائي
بانت خفايا .. تحرق القلب وتلوع=في سوقها .. صار الرجالي .. نسائي
ما عاد يفرقنا .. سوا الشكل والنوع=إن ما حفظنا .. ( خطنا الاستوائي )
وقبله تجرءا بيننا .. ضال موجوع=على أمنا .. مابين سامع ورائي
لا هو بمردوعٍ .. ولا ذاك مردوع ..!=من ضعفنا .. يطمع قريّب ونائي
كلامنا .. ما هو بالأفعال مشفوع=وأفعالنا .. يا نفس لك ما تشائي
أصعب علينا النصر .. من حبة الكوع=شيٍ يعرفه .. طالب الابتدائي
إلا بكتاب الله .. ومنهاج متبوع=سنه رواها .. الترمذي والنسائي
جهادنا عن دينا .. حق مشروع=ومجاهد أنفسنا .. العلاج الوقائي

.

.

.

تحياتي للجميع وتقديري

محمد

صباحكــ شعر ( وكل عام وانت بخير وصحه وعافيه )


من حسن حظي دخولي للمنتدى توافق مع نشرك لهذه الرائعه وهذا الصوت الجميل لواقع بكل أسف مؤلم


ابو عبد العزيز / باختصار أنت شاعر تحترم الشعر وتحترم محبي الشعر ولهذا دائماً حظورك وبكل حالاتكــ .. هكذا


شكراً لكـ


وكل عام وانت غالي

اخي العزيز وشاعر العذب (محمد عوده )
كل عام وانت بخير ......... أخي انت مبدع وشاعر متمكن
اخي أسال الله العلى القدير يوفقك
وتقبل مني التقدير والاحترام
اخوك (ابو جاسر الحمراني)

الأخ العـزيز والشآعـر القدير / ابو عبدالعـزيز { صعـوط الشعـر }

قـصـيدة ليست بمستغـربة منك ..!

هـذآ هـو حآل ألمـك وألمـنـآ ولا حيـآة لمن تـنآدي ..!

وأجـدك تـشكي الأم وتصف له الـدوآء وهـو مجآهـدة والررجوع

لكتآب الله وسنـة نبيـه ..!

ابو عبدالعـزيز / كل عآم وأنت بخير وعيدك مبآرك ..!

وصح لسآنك وعلى شآنك ...!

تقبل تواضع توآجـدي وقبل ذلك تقبل

من البآقآت بآقـة عيدية زيزفونية تسآق اليك ..!

خبيث تكـرم عنـه .. فـاره وجربـوع
لكـن تحدّانـا .. الكـلام النهـائـي ..!

شاعرنا العذب محمد عودة القويعاني
كلمة درر خارج من ضميرمحروق بآلم مايحدث للديننا هذه الايام من جرآت الخبثاء الذين لم يجدون من يردعهم
عزيزي الله سبحانه وتعال كفيلا بهم هم والمتواطين معهم

محمد عوده القويعاني
سلمت وسلم حسك صح لسانك
يالغالي,,,