بعض الرجال اشباه..!!!

اقــراالوجـيـه ولا تـدقـق با الأفـعـال

لا تكشـف المسـتـور تلـقـى الهـوايـل

بعـض الرجـال رجـال بأفعالـهـا رجــال

وبعـض الرجـال اشبـاه مـامـن صمـايـل

بعـض الأفعـال افعـال باقـفـاي واقـبـال

بعـض الأفعـال احيـان مـاهـي فعـايـل

ماكـل مـن يركـب علـى الخيـل خـيـال

البعـض يركـب لأجـل جـمـع الحصـايـل

ماكـل مـن يركـب علـى الهجـن جمـال

الـفـرق واضــح باخـتـلاف الوسـايـل

والطيـب طرقـاتـه عسـيـرات وطــوال

مايـوصـلـه إلا عـريــب الـسـلايـل

اللـي لهـم فـي سـكـة المـجـد مـنـزال

انشـهـد انــه للـطـويـلات طـايــل

والـيـوم كــل بالطـويـلا ت يـخـتـال

مايستـمـع للهرج فــي قــول قـايــل

كل لبـس لـه ثـوب وشـمـاغ وعـقـال

الشكـل واحـد مـيـر فــرق الخصـايـل

وكـل معـه سـاعـه وبيـجـروجــوال

زود عليـهـن كـبـرة النـفـس شـايــل

اقــرا الوجـيـه ولا تـدقـق بـالأفـعـال

ولا تكشـف المسـتـور تلـقـىالهـوايـل

قصيدة لأختكم الشاعرة...الغريبه - الرياض

السلام عليكم ورحمة الله وبركاته

اختي الغاليه

بدويه


اقــرا الوجـيـه ولا تـدقـق بـالأفـعـال


ولا تكشـف المسـتـور تلـقـىالهـوايـل



صح ا لله لسان الشااعره الكبيره ...الغريبه

والف مليوون شكررعلى هذاا النقل المتميز

تقبلي تحيااتي

ابن بطحاان الجذلي