ما كل من يركب على الخيل خيال

ماكل من يركب على الخيل خيال

ولا كل خيل تعجبك هي أصيـــــلة

ولا كل من يعجبك هرجه برجال

بعض العرب ملــــــــسون وايده بخيله

الكل يلبس ثوب وشماغ وعقال

وعند اللزوم افعالهم هي

قليـــــــــــــــله

الرجل تثبت له أقاويل بافعال

لاقال شئ ونفذه هو دلـــــــــــــــــــــــــيله

والرجل لاشفته مع القيل والقال

ابعد عنه هذا صفاته عليــــــــــــــــــــــــله

و الكذب خله عنك مافاد لو طال

قول الصدق ياصاح غنم وجميــــــــله

وخلك شجاع

وذي صفات للابطال

اللي كما سيوف تبارق سليـــــــله

واللي شراك اشريه لو كان بالمال

خلك معه وان مــــــال دور بديله

واصبر ترى الدنيا تبدل بها أحوال

وما كل شئ صافي تشـــــوفه تجي له

وبعد الكدر

تشرب صفا عذب وزلال

هذا الزمن فيه استــــقامه وميله

وصاحب خليل لو جفا الوقت مامال

ترى الرجل يعرف بقيمة خليــــله

واقفل على سرك بكتمان واقفال

بعض العرب يسمع وينوي بحـــيله

وخلك أمين إذا توليت الأعمال

من خان في يوم الحشر يا حليــــله

خل التواضع فيك واضح بالافعال

ترى الكبر يردي بيوم وليــــــــــــــــله

ولا تحسد

اللي عنده اموال وعيال

وش ينفعك لو كان حـــسدك يزيله

و لا تزور تقلب الزين بطـــــــــــــال

الله عليم بالنوايا الدخـــــــــــــــــيله

وخلك رزين ترى المخفه للاطفال

واصفح عن المخـــــطي ولو زاد قيله

واحمل همومك لو تزن وزن الاثقال

بكره تروح وتنجلي لو ثقـــــــــــــــيله

وصل الفروض ولاتنسيك الاشغال

محدن في الدنيـــــا درى وش بقي له

وزور الاقارب للرحم كون وصـــــال

وخلك عظيم الشان وسط القـــــبيله


مما راق لي

انتقاء في قمة الروعه
،،،،
سلمت وسلمت روقاتك
يابو غلا


الله حيه
زمان عنك ياشين
أخفس ماكو اتصال

أختيار موفق

فلك مني كل الشكر

تحيتي ..

سلمت يابوغلا ان شاء الله دائما رايق لاتحرمنا من ابداعك واتصل على حامد
قطعت ا لوصل تحسبها شجاعه
وانا في غيبتك تبكي عيوني

اهلييييييييييييييييين
ابو حمد
تم تم
ياكثر ماسمعتها الايام اللي راحت ههههههههههههه
تصدق كاره الجوال هالايام
يالله عسى خير

أختيار موفق

فلك مني كل الشكر

تحيتي ..

يسلم مرورك
ولك منى اعطر التحايا