مساعدة انسانية

السلام عليكم ورحمة الله وبركاته
انا عضوة جديدة في المنتدى ....
انا عندي موضوع ونفسي اي احد يساعدني فيه اللي هوا :
انا زوجي حلم حياته حلمه وامنيته انو يكمل الماستر والدكتوراه في الخارج علما بان زوجي مدرس وحاول هوا ولا لقي اي نتيجة يعني معقوله يتحرم من حلمه وامنيته بس عشانه مدرس يعني انا والله مااكذب عليكم تيجي احيانا لزوجي اوقات يقولي ياليتني ماكنت مدرس ولا شي يفكر احيانا انو يستقيل ويدور له اي وظيفة ويقدم على الابتعاث يمكن انو ينقبل وفيه كم واحد من اصحابه يقولو له جيب قبول من جامعات من الخارج ويكمل اوراقه من هنا يعني وحتى هذي ماصارت حتى بعد ماجاب القبول لانه مدرررس ايش الحل يعني معقوله تضيع احلام زوجي بس عشان وظيفته علما بان تخصص زوجي حلو ماشاء الله مدرس تربيه خاصة تخصص اعاقة فكرية ساعدوني وشورو عليا ايش اسوي عشان زوجي ...............ز

أولا حياكي الله بيننا اخت غاليه ونرحب بكي بين اخوانك واخواتك في منتدانا الغالي
ثانيا أسأل الله العظيم رب العرش العظيم ان يوفق زوجك ويسهل امره
بالنسبه للابتعاث فيه طريقه زملائي سووها وحصلو على الموافقه طبعا في اخر المطاف لازم تكون جهة عمله موافقه على ابتعاثه كنظام يعني
فيه مكاتب في جده او حتى هوا يقدر يراسل اي جامعه برى بالتخصص اللي يناسب عمله ويشوف ان جهة العمل محتاجته يستعين بهذه المكاتب او اذا يقدر يراسل بنفسه الجامعات بحيث يحصل على موافقه مبدأيه من الجامعه اللي تناسب تخصصه برى بعد ماي حصل على الموافقه منها يجصل منهم كمان على الخطه الدراسيه والمواد اللي تدرس بتخصصه هناك ويكتب طلب لجهة عمله هنا برغبته بالابتعاث في تخصص يحتاجه عمله ويرفق موافقة الجامعه والمواد التي تدرس في هذا التخصص طبعا ممكن هوا يروح يقدم الطلب على وزير التعليم في الرياض ايكون افضل عشان يضمن ان رئيسه في العمل ممكن ميرفع الطلب لكن لو جابها من الرياض مباشرة يكون افضل
نتمنى له التوفيق

مثل ماتفضل الاخ موسى

لازم من جهة العمل يتم ابتعاثــه

واسأل الله للجميع التوفيق