بدويه يوسفيه...!!

قصيده متواضعه اتمنى ان تنال على اعجابكم


انذكرتك هاجسـي فيـك ابتـدى "=" وطال ليلي والليالـي سرمديـه



وانكتبتـك كـل ماكتب لـك فـدى "=" من قصايد للخـدود النرجسيـه



وانوصفتك بالحسن فكري غدى "=" تاه في حسن بدويـه يوسفيـه



وانحكيتي صوتك اللحون وشدى "=" لا تغنـج بالحـروف الابجديـه



في جبينك نـور بالبـدر اقتـدى "=" فيه من نـورك حلايـا ياحليـه



ياغناتـي مانـوى قلبـي ردى "=" لاهذيـك ولا هذيـك ولاهذيـه



لا علي ولا عليك مـن العـدى "=" والعـواذل والعلـوم العنجهيـه



لو هدى الله كل كافـر واهتـدى "=" واعلن اسلامه وضحى له ضحيه



مانسيتـك والمعاليـق اشهـدى "=" اذكرك مانساك في صبح وعشيه


ولو تكوني ساكنـه وادي بـدى "=" لا اصلك بالرجـل ولا بالمطيـه



اعشقك والعشق لك ماله مـدى "=" مثل قيس بعشق ليلى العامريـه



وانحداني ظرف عن قربك حـدى "=" مابتعد لو كانت ظروفـي قويـه



وانذكرتك هاجسي فيـك ابتـدى "=" وان فقدتك هاضت اشجاني عليـه



وسلامتكمـ

صح لسانك

قصيده رائعه

عبدالله فالح العقيص

ولو تكوني ساكنـه وادي بـدى لا اصلك بالرجل ولا بالمطيـه

لله درك

قصيده جزله ومعبره

صح لسانك وسلم بنانك والله يعينك على المشي من الخبر إلى بدى

اخوي عبدالله هذه القصيده رائعه جدا وننتظر جديدك

ولك خالص مودتي

عبدالله

الشاعر عبدالله فالح العقيص

كتبت فا ابدعت صح لسانك
كيف لا يظهر هذا الابداع وانت خريج مدرسه شعريه راقيه يديره
الشاعر ابو فالح

سجل اعجابي بما تكتب

ولو تكوني ساكنـه وادي بـدى "
" لا اصلك بالرجل ولا بالمطيـه

اخي العزيز
وشاعرنا المبدع
ابو فالح

صح لسانك مليون ولا يكفون
قصيده
اقل مايقال عنها رائعه
استمتعت بقراءتها وحاولت ان استشهد بأجمل بيت وحقيقه احترات بين روائع البيوت
وهذا
ليس بغريب منك
دمت بهذا التألق وننتظر لجديدك

السلام عليكم ورحمة الله وبركاته

عبدالله فالح


صح لسانك وسلم بنانك