رحلتي إلى جزر المالديف ( شهر العسل )

المهم رحت أدور مكتب الصرف لتحويل العملة ..
والساعة الآآآآن 5.5 ... وأنا على بالي أن الرحلة باقي لها ساعتين
ولما وصلت مكتب الصرف .. قال ما في صرف إلا بعد نص ساعة .. ولا زم تجيب الباسووورد ( الجوااز أو الإثبات الشخصي )
قلت طيب .. وجلست أنتظر ... وانا في مكاني ...رحت اطالع للبوابة 18 .. اللي فيها الرحلة .. وأشوف الناس داخلين معها .. وأنا أقول في نفسي .. وش الرحلة ذي اللي مدخلها مع بوابتنا؟!؟!؟!؟ ..
شوي وأناااظر إلا مكتوب على الشاشة .. الدوحة 5.15 .....
أما عاااااااااااد .. وش ذا العلم ...

وترليووووووووووون على البوابة ..
بغينا نتوهق ..
تدرون ليش .. لأن إذا فاتتك الرحلة راح تخسر حدود 1 ريال من قيمة تذاكر الرحلة .. من غير حجز الفنادق ..
ولا راح تلقى حجز للمالديف إلا بعد شهر على الأقل ..لذا عليكم الإنتباه .. والوصول للمطار مبكراً ..

( تخيلوا إني جيت الساعة 5.30 للمطار ... ولا 6 .... كان طارت وخرب كل شي كنت مرتبه .. بس من فضل الله .. كان الحظور المبكر ساعدنا ... ( المشكلة إن التذاكر بجيبي .. بس والله من كثر المشااغل اللي براسي ما قدرت أتأكد منها ..).

صعدنا الطائرة القطرية ..
وهذي صورة من داخلها ...

يوجد أمام كل كرسي شاشة بها ألعاب وأفلام وبرامج تلفزيونية وقنواات شبابية وكذلك معلومات الرحلة ( كوقتها والمسافة وسرعة الطائرة مع ارتفاعها .. ويمكنك أن تتحكم بهذه الشاشة عن طريق رموت أسفل هذه الشاشة .. وعن طريق هذا الرموت تستطيع أن تتحكم بالإضاءة العليا من دون أن ترفع يديك ..