Googleقـــوقــل

حسبي الله على قوقل وحسبي على اللي = قوقلوني وانا قبل التقوقل طبيعي
صرت اسولف مع العالم ونا في محلي = واتجول بسوق الغي واشري وابيعي
والقدم مايعيب المحترم لو يزلي = انزلاق اللسان اللي يعيب الجميعي
بالصفى والوفى والحب ارحب واهلي = القطيعه خريفي والمحبه ربيعي
ليت للعمر سوق وليت للكبر حلي= اتغزل من الواقع وصدري وسيعي
وان دعاني سفير اهل الهوى جيت كلي = اله بوحي وروحي وانتمائي وريعي
وينكم يا لشباب اللي تبون المحلي = وارد الهند واليابان ماهو طبيعي
تين شمس وتين ابشجرته مستظلي = كيف سعره مابين المشترى والمبيعي
وفارس احلامي اللي تل قلبي وتلي = في خيال الفطيم اللي حداه الرضيعي
واصبحت كلمة التوحيد حبي وخلي = وللشريعه نظر مابين سني وشيعي
وانت يالحر ياللي بالنبى المستقلي = التفت للحباري وانتبه للمريعي

الشاعر / خالد السرحاني

كل عام وانت بخير ومن العايدين

وصح لسانك ولاهنت يالجزل
,
,
ويازين قوقل الى خلانا نستمتع باحد قصائدك الجميله

الله لا يهينك اخوي سعود السحيمي صح بدنك والله كفو
وكل سنه وانت طيب

ابو الوليد

ابو وليد كل عام وانت بخير
وصح لسانك 00

دمت بسلام 00

حسبي الله على قوقل وحسبي على اللي

قـوقـلـونـي وانــــا قــبـــل الـتـقـوقــل طـبـيـعــي

.................................................. .................................................. ..........
وينـكـم يــا لـشـبـاب الـلــي تـبــون المـحـلـي
وارد الــهــنــد والــيــابــان مـــاهـــو طـبـيــعــي
صح السانك ابو وليد

مامعه حق قوقل الي قوقلك

وبعدين كله صاير مضرووووووووووووووب

دمت بوددددددد وكل عام وانت بخير

قوقل اللي تقول ساكنا واصبح محلي
...............
ابووليد اسعدك الله دمت بود